Ezekiyeli 23:16 - BIBLIYA NTAGATIFU OMU MASHI

¹⁶ erhi ayûsibabona, abayumviza amîru mabî na ntyo abarhumakwo entumwa kuhika e Kaldeya.

Ezekiyeli 23:16 ပူးပေါင်းရင်းမြစ်များ

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

Murhondêro 39:7

Lusiku luguma enyuma ly’aho, mukà nnawâbo alîkira Yozefu kw’isù, anacimubwîra, erhi: «Yisha nkubambire».

Murhondêro 6:2

bene Nyamuzinda bàbona oku abanyere b’abantu bali binjà. Babayankamwo abà banalilonzize.

2 Samweli 11:2

Erhi kubà bijingo Daudi azûka, ajà ageragera omu lusò lw’enyumpa yâge; oku ajà acîgezageza ntyo, alangira omukazi adwîrhe acîshuka; n’oyo mukazi ali w’iranga.

2 Bâm 24:1

Muli agôla mango Nabukondonozori mwâmi w’e Babiloni, ayimuka akola ajà alwa, Yehoyakimu anacimushiga ci buzinda acîhindula kuli ye.

Ayubu 31:1

Nali erhi nalaganyire oku amasù gâni, ntà mango ganacilole oku mwâna-nyere.

Ennanga 119:37

Amasù gâni ogahabûle garhagihenekera ebya busha, enjira yâwe empise oku kalamo mâshi.

Migani 23:33

Amasù gâwe gabone ebingeru-ngeru obwo, n’omurhima gwâwe guderhe eby’amahabwe;

Migani 6:25

Omurhima gwâwe gurhâgalagwa n’iranga lyâge, omanye wankarhebwa n’okukoma-komya kw’engohe zâge.

Izaya 57:9

Wajire emwa Mêleki erhi odwîrhe amavurha haguma n’omwandu gw’emvangè y’obukù. Wàlîkirayo entumwa erhi onaciri kulî, wacinyihya kuhika wahwêra omu kuzimu.

Ezekiyeli 16:17

Wanacirhôla e­njuma zâwe z’amasholo n’eza amarhale ezi nakuhaga wagend’ijiramwo ensanamu z’abalume wanacihemula nazo.

Ezekiyeli 16:29

Wayûshûlira obubî bwâwe omu cihugo c’abarhimbûzi, emwa Abanyakaldeya, ciru n’eyôla munda orhaderhaga mpu wanayîgurha.

Ezekiyeli 23:15

Abàli bayambîrhe emikaba omu cibunu n’ensirha zàli oku irhwe lyâbo, abàli bagwêrhe boshi enshusho y’abarhwâli, bakazâgibonekana oku bali banya-Babiloni b’e Kaldeya - cihugo baburhiragwamwo -

Ezekiyeli 23:20

amango àli acîshwêkîre omu bushungu bwâge; bushungu bwàli n’emisî eri nk’ey’endogomi n’obutwamba buli nka bwa nfarasi.

Mateyo 5:28

Ci niehe mmubwîzire oku ngasi yêshi wabone omukazi n’okumwifinja, oyu muntu emurhima erhi amuhushirekwo.

2 Petro 2:14

Amasù gâbo gayunjwîre bugonyi, na ntà mango amîru gâbo g’ecâha gayigurha; banagwârhire abantu barhazibuhiri omu mirhego yâbo, n’emirhima yâbo magene g’eby’en’igulu byône eyishi, bali mihera!