Ezekiyeli 22:3 - BIBLIYA NTAGATIFU OMU MASHI

³ Oderhe erhi ntyâla kw’adesire Nyakasane Nyamubâho: Ewani lugo lukazibulagira omukò ekarhî kâwe mpu lyo amango gâwe gakuhikira, ewani lugo lwaciyûbakiraga abazimu mpu lyo ocihemula.

Ezekiyeli 22:3 ပူးပေါင်းရင်းမြစ်များ

2 Bâm 24:3

Obwo burhegesi bwa Nyamubâho bônene bo bwarhumaga okwôla kuyisha omu Yûda mpu lyo amukûla embere zâge erhi galya mabî Menashè ajiraga garhuma,

2 Bâm 24:4

ci na ecindi carhumire, guli gulya mukò gw’abêru kwêru abulagaga kuhika Yeruzalemu ayunjula mukò gw’abêru kwêru. Nyamubâho arhali alonzize okubabalira.

Ennanga 106:39

Nabo bône bahemuka n’ebi bakazâg’ikola, bacîshûbula n’ebijiro byâbo.

Izaya 1:21

Kurhigi cahindusire nka mukazi wa cishungu, cirya cishagala cemêzi? Càli ciyunjwîre burhimanya, muli co mwo obushinganyanya bwahandaga, lêro buno cikola ca bîsi ba bantu!

Ezekiyeli 12:25

“ebwa kubà niene nie ­Nyamubâho nie nâkaz’iderha. Oku nadesire erhi nanakudesire, kunabè buzira kurhalusa amango; ebwa kubà gali omu mango gâwe, wâni iburha lya abagoma, mwo nanaderhera akanwa nankayunjulize, kwo adesire Nyakasane ­Nyamubâho”».

Ezekiyeli 22:2

Ka nâwe mwene omuntu wankatwa olubanja; ka wankatwîra olubanja ecîra cihugo cibulaga omukò? Ocibwîre amabî gâco magalugalu.

Ezekiyeli 22:27

Abarhambo b’ecôla cihugo, omu karhî k’olugo kwo bali nka rhubwa rhw’emuzirhu rhuli rhwashanshanyagula omunyama gwâbo, ababulaza omu­ko, abayîrha abantu lyo bazimba ebirugu byâbo.

Ezekiyeli 22:4

Kuli gulya mukò wabulagaga wêne wacijira mubî, kuli balya bazimu wajiraga wênene wacîhemula, amango gâwe wagabiduhya, okola wamâhisa emyâka yâwe. Co cirhumire namàkujira ibonêsa-nshonyi e­mwa amashanja, na masheka g’ebihugo byoshi.

Ezekiyeli 22:6

Alà oku emwâwe, abaluzi b’Israheli bali babulaga omukò nk’oku ngasi muguma anahashire.

Ezekiyeli 23:37

Ebwakubà bacîbêrîre bagonyi, amaboko gâbo gakuyîrha, bajire omu bugonyi haguma n’ahazimu bâbo. Oku biyêrekîre abâna bàmburhiraga, bàbagezize omu muliro mpu lyo babasingônola.

Ezekiyeli 23:45

Bantu bashinga­nyanya bo batwîra olubanja nk’oku bankalutwîra abakazi bagonyi, balya bajà bashesha omukò ebwa kubà babà bagonyi n’amaboko gâbo gabà ga bwîsi.

Ezekiyeli 23:7

Anacihâna amasîma gâge omu murhwe gw’entwâli gw’abanya-Asûru n’emwa ngasi abanasimire boshi, ajà acîhemula n’abazimu bâbo.

Ezekiyeli 33:25

Co carhuma wajibabwîra, erhi: Ntyâla kwo adesire Nyakasane Nyamubâho: Munakazilya enyama n’omukò gwâyo, munakazirherekêra abazimu, munakazibulaga omukò, mwamânabuliderha mpu ecihugo ciri cîrhu!

Ezekiyeli 9:9

Anacimbwîra erhi: «Obubî bw’omulala gw’Israheli n’ogwa Yûda buli bunji okurhalusire, ecihugo cayunjulîre mukò, olugo ludwîrhe lwalerengana, bulya badwîrhe baderha, mpu: Nyamubâho àrhenzire omu cihugo, Nyamubâho arhankabona.

Mikeyo 3:10

mwe mudwîrhe mwayûbaka Siyoni n’omukò, na Yeruzalemu oku mabî!

Sofoniya 3:3

Abagula ba muli co zibà ntale zikaziyâna; abashamuka baco zibà ngwi zija zahiva bijingo, zirhabîke n’akantu zashanshanyula sêzi.

Barom 2:5

Obûla ohûsize omurhima gwâwe orhanalonza okucîyunjuza, k’orhîshi oku odwîrhe wacihakira enguli y’obukunizi oku lusiku lwa ngerera-hano, lwo lusiku olubanja lw’okuli lwa Nyamuzinda lwânabonekane,

2 Petro 2:3

Omu magene gâbo g’eby’en’igulu, bammulonzakwo obunguke n’ebinwa by’obwengehuza. Ci olubanja lwâbo mîra lwatûbagwa, n’okuhera kwâbo kuli kurheganye.