Ezekiyeli 22:22 - BIBLIYA NTAGATIFU OMU MASHI

²² Nka kula amarhale gajongera e ruganda, ntyôla kwo ninyu mwajongera ekarhî kw’olo lugo, mwanamanya oku niene nie Nyamubâho nie nâmubulangirakwo oburhè bwâni.

Ezekiyeli 22:22 ပူးပေါင်းရင်းမြစ်များ

Ezekiyeli 20:33

Ndahîre oku buzîne bwâni. kwo adesire Nyakasane Nyamubâho, ndahîre oku niene nie nanayîma kuli mwe, n’enfune ndârhi, n’okuboko kubangalîre, namuyemêza n’obukunizi bwâni.

Ezekiyeli 20:8

Ci bàcîhindula kuli nie, barhalonzagya okunyumva. Ntâye ciru n’omuguma wakabulîre ebyôla by’ibala bàkazâgimêkeza amasù; barhalekaga abazimu b’e Mîsiri. Nâbà n’olukengêro lw’okuderha nti nâbadubulirakwo obukunizi bwâni, nti mbayûkize kwo oburhè bwâni, omwôla cihugo c’e Mîsiri.

Ezekiyeli 22:16

Wâmbonêsa nshonyi embere z’amashanja, wânamanya oku nie Nyamubâho.

Ezekiyeli 22:21

Nâmushubûza na mwêshi namuhirakwo omuliro gw’oburhè bwâni, nnânjire mwêshi mujongere omu karhî k’olugo.

Ezekiyeli 22:23

Akanwa ka Nyamubâho kanacintindakwo muli ebîra binwa, erhi:

Ezekiyeli 22:31

Oku bundi lêro, nanacibabulagira kwo oburhè bwâni, nabayâkiza omu muliro gw’obukunizi bwâni. Nahira oku irhwe lyâbo olugendo lwâbo, kwo adesire Nyakasane Nyamubâho.

Ezekiyeli 36:18

Ntyo nabavangulirakwo obukunizi bwâni erhi omukò bakazâg’isheshera omu cihugo gurhuma kuguma n’abazimu bâbo bali bacîhemwîremwo.

Ezekiyeli 7:9

Ntà busù bwa bwonjo nâjira, ntâbabalire, ebwa kubà nakudôsa oku lugendo lwâwe na kuli galya mabî gâwe gabonekana ekarhî kâwe, na ntyo wâmanya oku nie Nyamubâho, nie ndwîrhe nashûrha.

Hozeya 5:10

Abarhambo ba Yûda kwo bali nka bantu bahama olubibi, nkolaga nâbarhulirakwo obukunizi bwâni nka mîshi.

Mafulûlo 16:1

Nanaciyumva izù lyarhenga mulya ngombe, lyayâkûza balya Bamalahika oku banali nda, erhi: «Mukanye, mugend’idubulira orhwo rhubêhè nda rhw’omutula gwa Nyamuzinda oku igulu».