Ezekiyeli 22:20 - BIBLIYA NTAGATIFU OMU MASHI

²⁰ Nka kula banagusha haguma omu luganda, amarhale, omulinga, amazî g’ecûma n’okuhirakwo omuliro byoshi bijongere haguma, ntyôla kwo nâmushubûza omu burhè bwâni n’omu bukunizi bwâni nâmuhira omu ituliro.

Ezekiyeli 22:20 ပူးပေါင်းရင်းမြစ်များ

Izaya 1:25

Nâkulambûlirakwo okuboko kwâni, nâkushukûla wêshi, nkurhenzekwo izinga lyâwe lyoshi.

Izaya 54:16

Alà oku nie nalemaga omutuzi, nti akaz’ibuhereza amakala gadurha omuliro anakûlemwo omurasano akûlemwo eci alonzize. Kandi nie nalemaga kashanda, nti akaz’ishâba.

Yeremiya 4:20

Erhi bacîderha mwanzi erhi na gwa buhanya, ecihugo mpu coshi càhire ebihando byâni mpu byàshabûsire. Olwâkiro lwâni mpu lwahirigisire.

Yeremiya 8:13

Nakasîmire nsarille emwâbo, ye kudesire Nyamubâho. Cikwône emizâbîbu yâbo erhalehesire, ciru n’omulehe gwâbo gurhayanyiri ebyâsi ciru byône bifunyîre nali mbahire ababishandazagya.

Ezekiyeli 22:19

Co cirhumire amâderha ntyâla Nyakasane Nyamubâho, erhi: Ebwa kubà mwêshi muli cûma cibîcibî, ceci nkola nâmushûbûliza mwêshi omu karhî ka Yeruzalemu.

Ezekiyeli 22:21

Nâmushubûza na mwêshi namuhirakwo omuliro gw’oburhè bwâni, nnânjire mwêshi mujongere omu karhî k’olugo.

Ezekiyeli 22:31

Oku bundi lêro, nanacibabulagira kwo oburhè bwâni, nabayâkiza omu muliro gw’obukunizi bwâni. Nahira oku irhwe lyâbo olugendo lwâbo, kwo adesire Nyakasane Nyamubâho.

Ezekiyeli 24:13

Nalonzagya okukushuka kwo eryo izinga ly’amabî gâwe, ci orhayêmîre washukwa eryo izinga. Kuziga orhâce kuhika oburhè bwâni bukuhwêrekwo.

Ezekiyeli 36:18

Ntyo nabavangulirakwo obukunizi bwâni erhi omukò bakazâg’isheshera omu cihugo gurhuma kuguma n’abazimu bâbo bali bacîhemwîremwo.