Ezekiyeli 22:11 - BIBLIYA NTAGATIFU OMU MASHI

¹¹ Muguma anajîre amabî boshi na mukà mulungu wâge, owundi anahemule omwâli-kazi bacibonese nshonyi, owundi anarhabirekwo mwâli wâbo, mwâli w’îshe.

Ezekiyeli 22:11 ပူးပေါင်းရင်းမြစ်များ

2 Samweli 13:1

Yumvagya oku byayîsh’iriba. Absalomu mwene Daudi, aligwêrhe mwâli wâbo wayinjihaga, izîno lyâge ye Tamari, naye, Amnoni mugala wa Daudi amurhonya.

2 Samweli 13:11

Erhi abà akola ali amuhêreza ebiryo, Amnoni amurhuluba amubwîra, erhi: «Yisha ogwishire na nâni, mâshi mwâli wîrhu!»

2 Samweli 13:14

Cikwône Amnoni arhalonzagya okumuyumva, amusêgereza, amuhima misî, amuyanka.

Yeremiya 29:23

“Kwo kuderha oku bakozire ebirhajirwa omu Israheli, bahusha na bakà omulungu, baderha n’ebinwa by’obunywesi omu izîno lyâni, ntanabarhumiri­ kwo. Mmanyire niene nnampamîrîze, kanwa ka Nyakasane”».

Yeremiya 9:2

Kwo bagoka olulimi nka muherho bunywesi buyîmire mw’eci cihugo, ci arhali iderha nkana bâleka maligo bakola gandi barhanayishi Nyamubâho.

Ezekiyeli 18:11

n’obwôla îshe yêhe ntâko ajizire ciru n’ehitya, omwâna wakakaz’igend’ilira oku ntondo, omwâna wakahemula mukà bene,

Ezekiyeli 18:6

arhalîra oku ntondo, arhalola oku bazimu b’omulala gw’Israheli, arhahemula muk’omulungu wâge, arhayêgêra omukazi oli omu mugongo,

Ezekiyeli 33:26

Mukola mushiga engôrho yinyu, munakazihenya amabî, munakaz’ihemu­la mukà omulungu winyu munabuliderha mpu ecihugo ciri cinyu!

Ben Levi 18:15

Orhankabwikûla obushugunu bwa mwâlikazi wâwe, ayôsire ali mukà mugala wâwe orhankanamubwikûla mpu ayôrhe bugengere.

Ben Levi 18:20

Orhahîra okagona na mukà mulungu wâwe, bulya kuli kucîhemula mwenaye okwo.

Ben Levi 18:6

Ntâye ciru n’omuguma muli mwe oyêmêrîrwe okulâla n’omukazi w’omulala gwâge. Nie Nyakasane okudesire.

Ben Levi 18:9

Orhahîra okayambisa mwâli winyu obusha, abè mwâli wa sho erhi mwâli wa nyoko waburhiragwa aha mwinyu, erhi embuga, orhankamuyambisa obusha.

Ben Levi 20:10

Erhi omulume ankagona na mukà mulungu wâge, oyo mulume n’oyo mukazi bombi bananigwe.

Ben Levi 20:12

Erhi omuntu ankayanka omwâlikazi, bombi banafè; ebi bajizire biri bya kucîsherêza. Bacibarhuzize omukò gwâbo bône.

Ben Levi 20:17

Erhi omuntu ankayanka mwâli wâbo, mwâli w’îshe erhi mwâli wa nnina, erhi ankabona obushugunu bwâge naye erhi olya mwâli wâbo ankabona obushugunu bwâge, ziri nshonyi nnene ezo. Banabahise omu masù ga bene wâbo, bulya anabwîne obushugunu bwa mwâli wâbo, anabarhule omuzigo gw’obubî bwâge.

Malakiya 3:5

Nyakasane w’Emirhwe adesire, erhi: «Nêci, nâyisha ekarhî kinyu nd’itwa olubanja. Nâbiduha ndiyâgîriza abakurungu, abagonyi, abalahira ebîra, abarhakamasa abakozi bâbo, abalibuza abakana n’enfûzi erhi okulenganya ebigolo, ngasi ba­lya barhanyôboha boshi».

1 Bakorinti 6:9

Ka murhamanyiri oku abajira okurhashingânîni barhakayîma omu Bwâmi bwa Nyamuzinda? Mumanye mwankacîrheba! Oli abajira eby’enshonyi, oli abaharâmya ebiremwa, oli abagonyi, oli ab’engeso mbî, oli entazi,

Bagalasiya 5:19

Na ntâye ohabire ebijiro by’omubiri: okuhusha, obumaguza, okujira eby’enshonyi,

Lushika 22:22

Erhi bankashimana omulume agwîshîre n’omukazi ogwêrhe îba, bombi bali ba kufà: olya mulume wali ogwîshîre na mukà bene n’olya mukazi naye yêne. Kwo kutwa ishârha omu Israheli.

Lushika 27:22

Aherêrekere mâshi, owalâla bona mwâli wâbo oburhwa n’îshe erhi obu­rhwa na nina. N’olubaga lwoshi lwanaderha, mpu: «Amen».

Bahabraniya 13:4

Obuhya bukengwe na boshi, n’encingo y’obuhya erhabâgakwo izinga; bulya abagonyi n’ebitwamba Nyamuzinda àyabahêke lubanja.