Ezekiyeli 20:7 - BIBLIYA NTAGATIFU OMU MASHI

⁷ Nanacibabwîra, nti: Mukabulirage ngasi muguma birya ibala mumêkeza amasù, murhahîraga mukacîhemula n’abazimu b’e Mîsiri, nie Nyamubâho, Nyamuzinda winyu.

Ezekiyeli 20:7 ပူးပေါင်းရင်းမြစ်များ

2 Nganîro 15:8

Erhi ayumva ebyôla binwa by’omulêbi Odedi, Asa abà n’oburhwâli; ajira barhenza ngasi byanali bya bukurungu byoshi omu cihugo ca Yûda coshi na omu ca Benyamini n’omu ngo banyagaga omu ntondo ya Efrayimu; ashubiyûbaka oluhêrero lwa Nyamubâho.

Lubungo 16:12

«Nayumvîrhe kurhi Bene-Israheli badwîrhe bacîduduma. Obabwîre ntya: Bijingo, mwakâlya enyama na sêzi, mwakâyigurha omugati, mugambwe, mumanye obwo oku nie Nyakasane, Nyamuzinda winyu.»

Lubungo 20:2

Nie Nyakasane, Nyamuzinda wâwe, owakurhenzagya omu cihugo c’e Mîsiri, omu nyumpa y’obujà:

Lubungo 20:4

Orhahîraga okajira enshushano, erhi olwiganyo lw’ebiremwa bibà enyanya emalunga, n’oli olw’ebiremwa bya hano igulu, n’oli eby’omu mîshi ekuzimu kw’igulu.

Lubungo 20:5

Orhahîraga okabaharâmya erhi kubakolera, bulya niene Nyakasane, Nyamuzinda wâwe, ndi wa mutula otulutumbya abâna oku mabî ga b’îshe, kuhika oku iburha lya kasharhu, n’erya kani, balya banshomba;

Lubungo 22:20

Orhahîra okarhindibuza erhi kugonya-gonya ecigolo, bulya ninyu mwâli bigolo omu cihugo c’e Mîsiri.

Izaya 31:7

Nêci, muli olwo lusiku, ngasi muguma âkabulira enshushano zâge z’amarhale n’ensanamu zâge z’amasholo, ezi mwatulaga n’amaboko ginyu manya-byâha”.

Ezekiyeli 14:6

Yumvagya, ojibwîra omulala gw’Israheli, erhi: Ntyâla kwo adesire Nyakasane Nyamubâho. Galuki, muleke abôla bazimu binyu, muleke loshi ngasi bijiro binyu bigalugalu,

Ezekiyeli 18:15

arhâkazilîrè oku ntondo, arhâkalolè oku bazimu b’omulala gw’Israheli, arhakazizinze mukà omulungu wâge;

Ezekiyeli 18:31

Mulekage ebyâha binyu byoshi mwakazâgingayisamwo munarhôle omurhima muhyâhya n’omûka muhyâhya. Cici cirhumire wâcilongeza olufù, wâni mulala gw’Israheli?

Ezekiyeli 18:6

arhalîra oku ntondo, arhalola oku bazimu b’omulala gw’Israheli, arhahemula muk’omulungu wâge, arhayêgêra omukazi oli omu mugongo,

Ezekiyeli 20:19

Nie Nyamubâho Nyamuzinda winyu. Mushimbe amarhegeko gâni, mulange engeso zâni munazishimbûlire.

Ezekiyeli 20:8

Ci bàcîhindula kuli nie, barhalonzagya okunyumva. Ntâye ciru n’omuguma wakabulîre ebyôla by’ibala bàkazâgimêkeza amasù; barhalekaga abazimu b’e Mîsiri. Nâbà n’olukengêro lw’okuderha nti nâbadubulirakwo obukunizi bwâni, nti mbayûkize kwo oburhè bwâni, omwôla cihugo c’e Mîsiri.

Ezekiyeli 23:3

Bakagishungulira e Mîsiri, bajaga bahulahula kurhenga baciri barhò. Eyôla munda yo bakazâgikagwârhira omu cifuba n’okuhuma oku nda yâbo y’obubikira.

Ezekiyeli 23:7

Anacihâna amasîma gâge omu murhwe gw’entwâli gw’abanya-Asûru n’emwa ngasi abanasimire boshi, ajà acîhemula n’abazimu bâbo.

Ezekiyeli 23:8

Arhacilekaga amahemusi gâge arhangiriraga e Mîsiri erhi bagwîshira boshi naye, kurhenga anaciri murhò, omu kukazigiriginya enda yâge y’obubikira lyo bamuyîsa n’amasîma gâbo.

Ezekiyeli 34:24

“Niono Nyamubâho, nâbà nie Nyamuzinda wâbo, n’omurhumisi wâni Daudi abà ye muluzi wâbaja ekâgarhî; nie Nyamubâho, niene nkudesire”.

Ezekiyeli 6:9

Okubundi obwôla, ngasi bàfumire olufù bamulimwo, bânashubikaz’inkengêra emwa galya mashanja bàjaga emwâbo, bali bantu nâlumîsa omurhima gwandekaga n’amasù gâbo g’obugonyi, agajag’icîshwêkera oku bazimu. Bâkaziyumva olushologorho kuli bwo bônene erhi galya mabî gâbo goshi bajira garhuma.

Ben Levi 11:44

Bulya nie Nyakasane, Nyamuzinda winyu, mwacêsîbwe mwanahinduka bimâna bulya niono ndi mwimâna, mumanye mwankanacîhemula n’ebyo binyagâsi bija byacîbulula oku idaho.

Ben Levi 17:7

Irhondo barhacihiraga bakagashâniza abazimu bàrhuma bahemuka. Liri irhegeko lya kuyôrha ensiku n’amango kuli bo n’oku bûko bwâbo.

Ben Levi 18:2

Oj’ibwîra bene Israheli erhi: Nie Nyakasane Nyamuzinda winyu;

Ben Levi 18:3

murhakazâg’ijira nk’oku ba­jira e Mîsiri mwâli muyûbasire, murhanakazâg’ijira nk’oku bajira omu cihugo c’e Kanâni, eci namuhêkamwo; murhahîraga mwashimba amarhegeko gâbo.

Ben Levi 20:7

Mucîsêze lyo mubà batagatîfu bulya niono nie Nyakasane Nyamuzinda winyu. Oku kuhemukira ababusi n’abandi b’omu mulala

Yozwe 24:14

«Kuziga mugwâsiragwe murhînye Nyakasane, mukazimukolera kulya kunashingânîne, kunali kw’okuli; murhenze abandi ba-nyamuzinda basho ba­kazagikolera olundi lunda lw’ishiriza ly’olwîshi, n’amango bâli e Mîsiri, murhumikire Nyakasane yêne.