Ezekiyeli 20:40 - BIBLIYA NTAGATIFU OMU MASHI

⁴⁰ Bulya oku ntondo yâni ntagatîfu, oku ntondo ndîrî y’Israheli, -kwo adesire Nyakasane Nyamubâho, - yo gwayishikazinkolera omulala gw’Israheli goshi oku gunali omu cihugo. ômunda yo nayankira bwinjinjà nanshub’ilongeza yo entûlo zinyu, erya ntûlo yinyu elushire ezindi ntûlo zinyu ntagatîfu.

Ezekiyeli 20:40 ပူးပေါင်းရင်းမြစ်များ

2 Samweli 24:23

Yâgirwa ebyôla byoshi Aravna abîhîre mwâmi». Aravna anacishubîriza erhi: «Nyamubâho Nyamuzinda wâwe akugashânire Yâgirwa.»

Ennanga 2:6

Erhi: «Niene nayimikaga Omwâmi wâni oku Siyoni», «Oku ntondo yâni ntagatîfu».

Izaya 56:7

“nâbahêka oku ntondo yâni ntagatîfu nnâbasîmikize omu nyumpa yâni y’okushenga. Embâgwa zâbo n’enterekêro zâbo zâyankirirwa bwinjà aha luhêrero lwâni, bulya enyumpa yâni yakaz’iderhwa nyumpa amashanja goshi gakâshengeramwo”.

Izaya 60:7

Amasò g’e Kedari goshi gashûbûkira emwâwe; engandabuzi z’emwa Nebayoti we wâkaz’izikolêsa; zakasôkera ebwa luhêrero lwâni, zintûlwe. Nêci, nakuza endâro y’irenge lyâni!

Izaya 66:20

Barhenza bene winyu boshi ebw’amashanja goshi, babalêrhe nka nterekêro yarhûlwa Nyakasane: bâyisha oku biterusi, oku ngâlè, oku bitanda, oku ndogomi n’oku ngamiya, baj’ebwa ntondo yâni ntagatîfu, e Yeruzalemu, kwo adesire Nyakasane; na bene Israheli bâyisha badwîrhe entûlo omu rhulugu rhwinjinja, bazihêke omu ka-Nyamuzinda.

Izaya 66:23

Kurhenga oku mwêzi gwabaluka kuhika oku gundi gwabaluka, na kurhenga oku Sabato kujà oku wundi Sabato, ngasi muntu ayish’ikaz’ifukama embere zâni, kwo adesire Nyakasane.

Yeremiya 31:12

“Bayîshiyîsha, n’orhuhababo rhw’enshagali oku ntondo ye Siyoni, n’okulibirhira caligumiza ebw’ebi Nyakasane abashobôzize: e­ngano, idivayi lyacikandagwa, n’amavurha, ebibuzi n’enkafu; bayîshiyôrha nk’ishwa ly’omu luziba, barhakacishalika bundi”.

Ezekiyeli 17:22

Ntyâla kwo adesire Nyakasane Nyamubâho, erhi: Nâni nayanka irhwêrhwè ly’ogwôla murhi gw’omuyerezi munene oku nyanya ly’agandi mashami kwo nakûla eryo ishami, nalirhwera nienene oku ntondo ndîrî bwenêne.

Ezekiyeli 17:23

Oku ntondo ndîrî y’Israheli kwo nalirhwêra. Lyajakwo amashami linayâne amalehe, gunabè muyerêzi mwinjinjà. Ebinyunyi bya ngasi lubero byayishikaziyûbakakwo, ebibalala binji byayishikarhamûkira omu mashami gâge.

Ezekiyeli 28:14

Nali nkuhizire kwo kerûbini wakazikulanga, wali oku ntondo ntagatîfu ya Nyamuzinda, wakazagigera omu karhî k’amasèsè g’omuliro.

Ezekiyeli 40:2

Mwâli omu kubonekerwa kw’obunyamuzinda, kwanacimpêka omu cihugo c’Israheli, kwanacindêkereza oku ntondo ndîrî bwenêne, na kuli eyôla ntondo kwàli obulî nka bûbake bw’olugo olunda lw’emukondwè.

Ezekiyeli 43:12

Irhegeko ly’enyumpa yâni lidesire ntyâla: eyûbakwe oku irhwêrhwè ly’entondo, marhambi g’ahôla eyûbakîrwe goshi gabè matagatîfu bwenêne. Lyo irhegeko ly’eyôla nyumpa eryo.

Ezekiyeli 43:27

Hano ezôla nsiku zihwa, oku lusiku lwa kal’imunani kuguma n’agandi mango gakulikira, abadâhwa bânakazirherekêrera oku luhêrero, enterekêro zinyu z’ensirîrà n’eza omu­rhûla, na ntyo nânamuyumvîrhiza, kwo adesire Nyakasane Nyamubâho.

Abudiya 1:16

Nêci nka kulya wanywêrîre oku ntondo yâni ntagatîfu, amashanja goshi gânywa buzira kurhamûka: bânywa banayîgurhe, banayôrha nk’oku barhasagiyôrha bundi!

Sofoniya 3:11

«Olwo lusiku, we lubaga lwâni, orhakaciyumva nshonyi oku mabî gâwe goshi, oku byâha byâwe byoshi wanjirire; bulya bala boshi bayunjulira bucîbone, nâbakûla ekarhî kâwe, onaleke obwo okukâminira oku ntondo yâni ntagatîfu.

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

Malakiya 3:4

Nabwo oburherekêre bwa Yûda n’obwa Yeruzalemu, bukâsimîsa Nyakasane nka kulya byàli omu nsiku za mîra, omu myâka yàgezire.

Barom 8:23

Arhanali byône; ciru nîrhu, rhwe rhugwêrhe ecikinja ca Mûka, omurhima gwîrhu gwîrhu omu mulenge guli, rhudwîrhe rhwalinda okuhinduka bâna balere n’obucunguzi bw’emibiri yîrhu.

Bahabraniya 13:15

Oku bulagizi bwâge rhurhûle Nyamuzinda enterekêro y’obukuze ngasi mango, kwo kuderha emburho y’orhunwa rhuhamîriza izîno lyâge.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.

Mafulûlo 12:1

Okuhandi ecimanyîso cirhali cinyi caboneka emalunga; omukazi oyambîrhe izûba, n’omwêzi aha magulu gâge, n’ecimanè ca nyenyêzi ikumi n’ibiri omu irhwe lyâge.

Mafulûlo 21:10

Anacingurumana, andengereza oku ntondo ndîrî nnênênè, anyêreka Ecishagala citagatîfu, Yeruzalemu, erhi camanuka emalunga, emwa Nyamuzinda,