Ezekiyeli 20:30 - BIBLIYA NTAGATIFU OMU MASHI

³⁰ Ee! Ogendigibwîra omulala gwa bene Israheli, erhi: Ntyâla kwo adesire Nyakasane Nyamubâho. Ka kwo binali mudwîrhe mwacîhemula omu kubà n’olugendo luli nka lugendo lwa basho, omu kucihemula n’abazimu bâbo,

Ezekiyeli 20:30 ပူးပေါင်းရင်းမြစ်များ

2 Nganîro 30:7

Murhabâga aka basho n’aka bene winyu abagomeraga Nyamuzinda wa b’îshe wâbo, kuhika abalekêrcra babanyaga banabashandabanya nk’oku munabwîne.

Ennanga 106:39

Nabo bône bahemuka n’ebi bakazâg’ikola, bacîshûbula n’ebijiro byâbo.

Yeremiya 16:12

Na ninyu, mwe mwajizire kubî kulusha basho; lolà ngasi muguma muli mwe, adwîrhe akulikira omurhima gwâge mubî gwa amahabwè, buzira kuyumva.

Yeremiya 7:26

Ci barhanyumvagya, barhaderhaga mpu barhega okurhwiri, bacîbêra ba cikanyi-cirhagomba, bàbîha barhalusa b’îshe.

Yeremiya 7:9

Ka mpu muzimbe, munigane, muhushe, mulahire ebîrâ, mugashânize Baali, mukulikire ba nyamuzinda b’obwîhambi balya murhishi,

Yeremiya 9:14

Co cirhumirage aderha ntya, Nnâmahanga w’Emirhwe Nyamuzinda w’Israheli: mpu: Lâba oku olu lubaga mutuzo nalulîsa. Ndunywese n’amîshi galimwo obwôge.

Ezekiyeli 2:3

Anacimbwîra, erhi: «Wâni mwene omuntu, nkola nakurhuma emwa bene Israheli, emw’olubaga lw’abagoma, abagoma bangomeraga. Bône na bîshe bangomire kuhika oku lusiku lw’ene.

Ezekiyeli 20:26

nabazinza n’enterekêro zâbo, omu kubahûna nterekêro abâna bâbo b’enfula, kwàli kubahana, lyo bamanya oku nie na ndi Nyamubâho.

Ezekiyeli 20:29

Nanacibabwîra, nti: Eyo bwa luhêro musôkera kurhi yankaderhwa? Banaciyiyîrika izîno lya Bama kuhika oku lusiku lw’ene.

Mibalè 32:14

Loli oku mwamaja ahâli ha basho, nka milandûkiza y’ababusi banyabyâha, mukola mwayûshûla oburhè bwa Nyamubâho kuli bene Israheli.

Mateyo 23:32

Ninyu muyunjuzagye olugero lwa basho!

Ebijiro 7:51

«Mwe bacikanyi-cirhagomba, aga marhwiri n’emirhima erhakembûlagwa, muyôrha mulahira okuyumva Mûka Mutagatîfu! Kulya basho bâli kwo munali ninyu!

Bacîranuzi 2:19

Ci erhi oyo mucîranuzi abâga amâfà, nabo kandi banashubirhogera omu bubî, barhaluse b’îshe wâbo, bacijìre emw’abandi ba-nyamuzinda, bakabarhumikira n’okubaharâmya; barhaderhaga mpu bankaleka bubî bwâbo bulebe, nîsi erhi olugendo lwâbo lubî.