Ezekiyeli 2:9 - BIBLIYA NTAGATIFU OMU MASHI

⁹ Nanacilolêreza: nabona okuboko kulambulîrwe emunda ndi kunafumbasire ecitabu cizinge.

Ezekiyeli 2:9 ပူးပေါင်းရင်းမြစ်များ

Yeremiya 1:9

Okuhandi Nyakasane alambûla okuboko, ampuma oku kanwa ambwîra, erhi: Lolà oku namâhira ebinwa byâni ekanwa kâwe.

Yeremiya 36:2

«Oyanke ecizingo c’ecitabu onayandikekwo birya binwa nakubwîraga biyêrekîre Yeruzalemu byoshi, ebiyêrekîre Yûda, n’amashanja goshi, kurhenga olusiku narhangiraga okukushambâza oku ngoma ya Yoshiyahu, kuhika ene.

Yeremiya 36:4

Yeremiyahu ahamagala Baruki, mugala wa Neriya, amuyandikîsa oku cizingo c’ecitabu ebinwa Nyakasane ali abwîzire omulêbi byoshi.

Ezekiyeli 3:1

Anacimbwîra, erhi: «Wâni mwene omuntu, ebyôla bakuyêrekîze obilye! Olye ecôla citabu, onakanye, ogendidôsa enyumpa y’Israheli!»

Ezekiyeli 8:3

Anacilambûla okuli nka kuboko, angwârhira oku mvîri; mûka anacinyêhûkana ekarhî k’amalunga n’igulu, ampêka e Yeruzalemu, omu kuyâgânwa na Nyamuzinda, andêkereza aha muhango gw’omu ndalâlà gudwîrhe gwalola olunda lw’emwênè, ahantu bali bahizire omuzimu w’olûji ye onalêrha olûji.

Daniyeli 10:10

Nabona okuboko kwampumakwo, kwanacinfukamya oku nandwîrhe nageramwo omusisi n’ebigasha by’amaboko gâni nâbà byo ngwârhirizamwo.

Daniyeli 5:5

Muli agôla mango hanacibonekana eminwe y’omuntu, eyajaga yayandika embere z’itara linene oku lukûta lwêru lw’omwôla bwâmi; Mwâmi anacibona okwôla kuboko kwakagiyandika,

Zakariya 5:1

Kandi nashub’igalamula amasù nabona ecitabu ciri nka cizingo caja cabalala emalunga.

Zakariya 5:3

Okuhandi ambwîra, erhi: «Luli lwandiko lw’obuhanya bwâjà omu cihugo coshi obwo: lunda luguma lw’ecitabu luyandisirwekwo oku ebishambo byoshi byalibirhwakwo omu cihugo, n’olundi lunda oku na ngasi bacîgasha ebîrà boshi kwo na kwo».

Bahabraniya 10:7

Obwo nanaciderha, nti: Nie ono, nyishire, -bulya nie kuyandikîrwe omu cizingo c’ecitabu-, nti njire obulonza bwâwe, Yâgirwa Nyamuzinda.