Ezekiyeli 19:9 - BIBLIYA NTAGATIFU OMU MASHI

⁹ N’emigera yâbo bamuhira omu irhonga, bamuhekera mwâmi w’e Babiloni banaciyihêka omu nyumpa eyûbasirwe kulî, lyo balekikayumva izù lyâge, omu ntondo z’Israheli.

Ezekiyeli 19:9 ပူးပေါင်းရင်းမြစ်များ

2 Bâm 19:28

Ebwa kubà oli burhè kuli nie n’ebwa kubà obucîbone bwâwe bwahisire omu marhwiri gâni, nakuhira olugondo emazûlu, nakurhula emilomo n’omugera gwâni. Nakucandabusa omu njira wanayishaga.

2 Bâm 23:33

Faraoni mwâmi w’e Mîsiri Neko amushwêkera aha Ribla mpu lyo alekiyîmira aha Yeruzalemu, Ribla abâga omu cihugo ca Hamati, akavurhîsa ecihugo talenta igana z’amarhale na talenta nguma y’amasholo.

2 Bâm 24:15

Ahêka ntyo Yoyakini, mululîze e Babiloni boshi na nina, kuguma na bakà mwâmi eshangi zâge, abarhambo b’omu cihugo.

2 Nganîro 36:6

Nabukondonozori, mwâmi w’e Babiloni asôka, ayisha amurhabâlîre, amushwêka na caburhinda w’omulinga muniole kabirhi, amujâna e Babiloni.

Yeremiya 22:17

Wêhe amasù n’omurhima gwâwe gahenekîre obunguke bwâwe bwône, n’okubulaga omukò gw’omwêru-kwêru, okulibuza abanyinyi n’okutula entarnbala.

Ezekiyeli 19:7

Akacîrhunika oku nyumpa zâbo, asherêza engo zâbo, ecihugo n’abantu bâco bakazigeramwo omusisi erhi bayumvagya omulumbo gwâge.

Ezekiyeli 34:4

“Ebishwêkwa byàli bizamba murhabirhabâlaga okubona emisî, murhabukaga ebyàli bilwâla, murharhubaga ebyâli vunisire, murhagalulaga ebyali bihezire, murhanajaga mwalonza ebyàli bihezire, ci mwabihiramwo akavango n’okuniga”.

Ezekiyeli 36:1

Nâwe wâni mwene omuntu, oderhe ebinwa by’obulêbi biyêrekîre entondo z’Israheli, onazibwîre, erhi: Ewani ntondo z’Israheli muyumve akanwa ka Nyamubâho:

Ezekiyeli 6:2

Wâni mwene omuntu, oyêrekere ebwa ntondo z’Israheli ozibwîre ebinwa by’obulêbi.