Ezekiyeli 19:14 - BIBLIYA NTAGATIFU OMU MASHI

¹⁴ Omuliro gwanacipamuka omu ishami lwâge, gwanacifonfomera amashami n’irehe lyâge. Gurhakacibona lirya ishami lyâgo lizibuzibu, akàli kola karhi k’ebwâmi. Guli mulenge ogwôla; gunakolêsibwe nka mulenge.

Ezekiyeli 19:14 ပူးပေါင်းရင်းမြစ်များ

Murhondêro 49:10

Ishungwè lirhakarhenga omu mwa Yûda, n’akarhi k’oburhegesi karhakarhenga omu magulu gâge, kuhika nnako ayîshe; ye amashanja goshi ganayumve.

2 Bâm 24:20

Okwôla koshi kwabaga omu Yeru zalemu n’omu Yûda erhi bukunizi bwa Nyamubâho burhuma kuhika amango abakagaga loshi embere zâge. Sedekiyasi anacicihindula kuli mwâmi w’e Babiloni.

2 Nganîro 36:13

Acîhindula kuli mwâmi Nabukondonozori, owamulahirizagya oku izîno lya Nyamuzinda; abà wa cikanyi cirhagomba, azibuhya omurhima gwâge nk’ibuye, omu kubula kwagomôkera Nyamubâho, Nyamuzinda w’Israheli.

Nehemiya 9:37

Cikolaga ciyêrera abâmi warhuhâga mpu bakarhurhegeka erhi byâha bîrhu birhuma. Bakolaga bajira emibiri yîrhu oku banalonzize, n’ebintu bîrhu kwo na kwo. Rhuli omu malibuko manji bwenêne.

Ennanga 110:2

Nyakasane ayanka itumu ly’obwamî bwâwe alirhogeza oku Siyoni, mpu: «Nj’oyîme omu karhî k’abashombanyi bâwe.»

Ennanga 79:7

Bulyâla bàshanshanywîre Yakôbo, banashâba aha mwâge hoshi!

Yeremiya 38:23

“Nêci, bakâwe n’abâna bâwe bâhêkwa emwa Abasîriya nâwe wêne orhafulumuke omu nfune zâbo, ci wayôrha oli mushwêke, omu nfune za mwâmi w’e Babiloni. Olugo nalo, kuhya lwanahya”».

Yeremiya 52:3

Ebyabîre ago mango e Yeruzalemu n’omu bwâmi bw’e Yûda byasholoshonza obukunizi bwa Nyakasane, lêro naye akabulira olubaga lwâge kuli bwenêne naye. Sedekyahu agomera mwâmi Nabukondonozori w’e Babiloni.

Ndûlù 4:20

Ngasi oyu akalamo kîrhu kàli kacisimikirekwo, oyu kàlicîkubagire, o­mwâmi washîgagwa amavurha na Nyakasane, ye rhwakagiderha, nti: «Ye rhwalamirakwo oyu omu karhî k’amashanja», y’oyo naye wagwaâsirwe mpira omu mwîna gw’omushombanyi!

Ezekiyeli 15:4

Alà oku banalukwêbe omu muliro, lusingônoke. Omuliro gunasingônole olunda n’olundi; n’aha kâgarhî nabo hanasingônoke, ka lwankacikolwamwo akantu?

Ezekiyeli 17:10

Alaga oku ecigundu camashubirhwêrwa, ka camera ciyâne hwinja? Hano ehûsa empûsi y’ebuzûka-zûba, ka gurhayume? Mulya budaka gwamêreraga, gwayumiramwo.

Ezekiyeli 19:1

W’oyo ojimanyîsa ogûla mulenge oku baluzi b’Israheli.

Ezekiyeli 19:11

Gwanacimerakwo amashami mazibuzibu, ganacibà rhurhi rhw’obwâmi; ganacikula, ganacilîha, gahika omu karhî k’ebitù, bakazisômerwa n’obulî bwâgo, n’obunji bw’amashami gâge.

Ezekiyeli 20:47

Obwîre omuzirhu gwa Negêbu, erhi: Yumva akanwa ka Nyamubâho. Lolà oku nkola najikuzûkiza omuliro gwafonfomera ngasi murhi mubishi na ngasi murhi mûmu. Eri ngulumira erhâzima: na ngasi busù bwâbabuka nago kurhenga e Negêbu kujà olunda lw’emwênè.

Ezekiyeli 20:48

Ngasi muntu âbona oku niene Nyamubâho, nie nanaguyâsagya, gurhânazime.

Ezekiyeli 26:17

Bâkujirira olwimbo lw’okukulakira baderhe, mpu: Bici wa! Gurhi wamàhenanguka, wamâhirigirha omu nyanja, wâni Lugo lwalijire irenge. We wali lugo lunya-buhashe omu nyanja, we kuguma n’abantu bâwe.

Hozeya 10:3

Ago mango lyo baderha, mpu: «Rhurhajira mwâmi, bulya rhurharhînya Nyamuzinda; ci kwônene, omwâmi bici arhujirira?»

Hozeya 3:4

Kwo binali abantu b’Israheli bâyorha nsiku nyinji buzira mwâmi n’abarhambo, buzira nterekêro n’ibuye ly’emahêro, buzira ciru na efodi na terafimu.

Amosi 9:11

«Mw’olwo lusiku, nazimbôla enyumpa y’omushambûkiza ya Daudi, nâfukâza emirhule, nârhenza ebigûkà.

Luka 19:41

Erhi akola ahika omu cishagala, arhondêra okucilakira, erhi:

Yowane 19:15

Nabo bayâma, mpu: «Rhenza, rhenza! Omubambe oku musalaba!» Bilato abadôsa, erhi: «Kurhi nankabamba omwâmi winyu?» Abajinji b’abadâhwa bamushuza, mpu: «Ntà wundi mwâmi rhujira orhali Sezari!»

Bacîranuzi 9:15

Nalyo ishaka lyabwîra emirhi erhi: «Akabà mwalonza oku­nshîga amavurha mpu mbè mwâmi winyu, muyishage mweshi muyâkire omu cihôho câni; na akabà arhali ntyo, omuliro gupamukâge omw’ishaka gumalîre enduluma z’e Libano.»