Ezekiyeli 18:9 - BIBLIYA NTAGATIFU OMU MASHI

⁹ omu lugendo lwâge ashimbûlira amarhegeko gâni, analanga engeso zâni lyo ahasha okujira nka oku okuli kunadesire, omuntu wa bene oyôla ali mushinganyanya, kwo adesire Nyamubâho.

Ezekiyeli 18:9 ပူးပေါင်းရင်းမြစ်များ

1 Bâm 9:4

Nâwe okag’igenda bwinjà embere zâni nka kulya sho Daudi anali ayôsire n’omurhima mwimâna, omurhima mushinganyanya okanakajira nk’oku nakurhegeka kwoshi, okanashimba amarhegeko gâni n’obulonza bwâni,

Migani 12:28

Omu njira y’obushinganyanya mwo akalamo kabà, enjira y’emihabuka yôhe ebwa lufù ehêka.

Ezekiyeli 11:12

Na ntyôla mwamanya oku nie Nyamubâho olyâla mwalekaga bushimba amarhegeko gâge n’engeso zâge mwazigayaguza, mwagend’ishimba engeso z’abantu bamuzonzire.

Ezekiyeli 18:10

Ci kwône erhi ankaburha omwâna w’ecâbi n’ecishungu, ohirimira muli cibî ciguma muli ebîra bibî,

Ezekiyeli 18:17

ânakaziyâsa okuboko kwâge amabî, arhâhôza n’okushimba obunguke, arhâhambira bunguke, âshimbulira engeso zâni, ânagenda bwinjà omu marhegeko gâni, oyôla arhankafà erhi mabî g’îshe garhuma, kukwânîne alame.

Ezekiyeli 18:19

Kandi munakaziderha mpu: «Cici cirhuma omwâna arhabarhula amabî g’îshe?» Ci kônene oyûla mwâna ashimbire okuli kwinjà n’okushingânîne, ashimbûlîre amarhegeko gâni goshi, anagalanga, ku­kwânîne alame.

Ezekiyeli 20:11

Nanacibahà amarhegeko gâni, nanacibamanyîsa e­ngeso zâni ezi bâli bagwâsirwe okushimba lyo balama nazo.

Ezekiyeli 20:13

Ci omulala gw’Israheli gwacîhindula kuli nie omwôla irungu; barhashimbaga amarhegeko gâni, bàjandika engeso zâni ezi balibagwâsirwe okushimba lyo balama nazo, barhajiraga okurhali kuhemukira ezo nsiku zâni za Sabato. Okubundi nanacibà n’olukengêro lw’okuderha oku nkola nabadubulirakwo abukunizi bwâni omwôla irungu, nti mbamalîre.

Ezekiyeli 33:15

oyôla muntu mubî erhi anka­lyûla omwenda gwâge, erhi akagalula ebi anyagaga, erhi akanashimba amarhegeko gahâna akalamo, buzira kucishubira omu byâha, okuli ânalama, arha­nkacifa.

Ezekiyeli 36:27

Nâkuhiramwo omûka gwâni, nankuhè emisî y’okushimba engeso zâni, ey’okulanga ama­rhegeko gâni n’okugashimba.

Ezekiyeli 37:24

Omurhumisi wâni Daudi âbà mwâmi wâbo, âbà yêne ye na lungere muguma wâbo boshi, bashimba engeso zâni, bâlanga amarhegeko gâni banagashimbe.

Ben Levi 18:5

Mushimbe amarhegeko n’engeso zâni: owankabishimba kwinjà alama. Nie Nyamubâho oku­desire.

Amosi 5:14

Mulonze aminjà, muleke amabî, lyo mulama, na ntyo Nyakasane Nyamuzinda w’Emirhwe âbà haguma ninyu, kulya munaderha.

Amosi 5:24

“Ci okutwa emmanja kwinjà kuhulule nka mîshi, n’obushinganyanya nka kîshi karhagana”.

Amosi 5:4

Ntya kwo Nyakasane abwîzire enyuma y’Israheli: «Munnongereze, kandi mwalama.

Habakuki 2:4

“Oyandike ntya: Omuntu w’entimanya mbî kushanguka anashanguka, ci omushinganyanya yêhe alama buyêmêre bwâge burhumire.”»

Luka 1:6

Bombi bâli bashinganyanya embere za Nyamuzinda, banakâg’ishimba kwinjà amarhegeko ga Nnâmahanga goshi na ngasi byoshi biyandisirwe.

Yowane 14:21

«Omanyire amarhegeko gâni akanagashimba, oyo ye onzigira, na ngasi onzigira, ayish’izigirwa na Larha, nâni namuzigira nanciyêrekeye».

Ebijiro 24:16

“N’okwôla kwo kurhuma nâni ncîsêza okulanga omurhima gwâni mwêru-kwêru embere za Nnâmahanga n’embere z’abantu”.

Barom 1:17

Bulyâla obushinganyanya bwa Nyamuzinda buciyêrekana muli ye, bwo bushinganyanya burhenga omu buyêmêre bunakomeza obuyêmêre, nka kulya biyandisirwe, mpu: Obuzîne bw’omushinganyanya bubà buyêmêre.

Barom 8:1

Ntà kuciyagiriza abâli muli Yezu Kristu.

Lushika 11:1

Ozigire Nyamubâho Nyamuzinda wâwe onashimbe ngasi lusiku ebi akurhegesire byoshi, amarhegeko gâge, engeso zâge n’ebinwa byâge.

Lushika 4:1

Wâni Israheli, yumvagya amarhegeko n’engeso nakuyigîriza ene: kuderha nti mugashimbe lyo mulama munahike muli cirya cihugo Nyamubâho, Nyamuzinda wa basho amuhà mpu muciyanke cibè cinyu.

Lushika 5:1

Mûsa ahamagala Israheli yêshi, ababwîra erhi: Yumva Israheli amarhegeko n’engeso nakubwirira omu kurhwiri; mugayîge mugalange lyo mugashimba. A. Irhegeko lirhanzi (2-10)

Lushika 6:25

«Obushinganyanya bwîrhu bw’obu: okulanga bwinjà n’okushimba aga marhegeko goshi, embere za Nyamubâho, Nyamuzinda wîrhu, nk’oku yêne arhurhegesire.»

1 Yowane 2:29

Akabà muyishi oku abà mushinganyanya, mumanyage kwo na kwo oku ngasi ojira obushinganyanya oburhwa naye.

1 Yowane 3:7

Rhwâna rhwâni, ntâye ommurhebage. Ojira obushinganyanya erhi ali mwimâna, nk’oku oyo ali mwimâna.