Ezekiyeli 18:24 - BIBLIYA NTAGATIFU OMU MASHI

²⁴ Ci erhi omushinganyanya ankakabulira obushinganyanya bwâge, akarhangira okukâjira amabî, akakazijira ebigalugalu nka bîra omubî anajira, k’âlama obwôla? Barhankacikengêra obushinganyanya boshi àjizire, ci obugoma ajiremwo, n’ecâha ajizire byo byarhuma âfà.

Ezekiyeli 18:24 ပူးပေါင်းရင်းမြစ်များ

2 Nganîro 24:2

Yoash ajira ebishingânîne omu masù ga Nyamubâho amango omudâhwa Yehoyada anacihali goshi.

Ennanga 125:5

Abagera omu njira zikubire bôhe, Nyakasane abalibirhekwo, abageze omu njira nguma n’ababî. Omurhûla muli Israheli!

Migani 14:32

Omumînya bumînya bwâge bunamulembika, omushinganyanya yêhe omu budahemuka mwo ashànga olwâkiro.

Migani 21:16

Ocikûla omu njira y’obwîrhonzi omu ndêko y’abalinda-mboho afuduka akola ali.

Yeremiya 34:16

“Buzinda mwashubicîhindula, mwagayaguza izîno lyâni, ngasi muguma àshubirharhanya balya bajà, n’abajà-kazi, mwâli mwamalikûza, mwashubibasêza, balya mwâli mwamâlîka, mwabashubiza omu bujà”.

Ezekiyeli 17:20

Namulambulirakwo akasira kâni anagwârhirwe omwôla kasira kâni, nâja namukululira e Babiloni, ngend’imuhanira eyo kuli erya ndagâno àvunaga.

Ezekiyeli 18:18

Ebwa kubà îshe càli cishungu, akazâgizimba, arhalamaga bwinjà ekarhî k’olubaga lwâni, alà oku âfà erhi mabî gâge garhuma.

Ezekiyeli 18:22

Barhankacikengêra ebyâha byoshi àjizire, ânalama erhi kulya kushingânîne ajiraga kurhuma.

Ezekiyeli 18:26

Amango omushinganyanya amakabulira obushinganyanya bwâge, akakazijira amabî, erhi akanafà mwo okwôla kubî, bulya bubî àjizire bw’anafîremwo.

Ezekiyeli 20:27

Co cirhumire ogend’iderhêza omulala gwa bene Israheli, wâni mwene omuntu. Obabwîre erhi ntyâla kwo adesire Nyakasane Nyamubâho. Ahôla kandi basho bàngayîsa erhi banjirira okw’obulyâlya.

Ezekiyeli 33:18

Erhi omushinganyanya ankaleka obushinganyanya bwâge akarhondêra okukâjira amabî, ânafà erhi okwôla kurhumire;

Ezekiyeli 33:6

“Ci erhi omulanzi akabona engôrho ekola eyômolîrwe ecihugo, akanabula kubûha omushekera gw’okurhonda olubaga n’erhi engôrho yankayisha ekahu­njukana muguma muli bo, nêci oyôla afîre erhi câha câge cirhuma, ci kônene omukò gw’oyu muntu nagudôsa omulanzi”.

Sofoniya 1:6

Nâsherêza ngasi bacîkûla kuli Nnâmahanga, abarhamulongereza erhi kumurhînya ciru n’ehitya, abo boshi ntà muguma nâleka.»

Marko 13:13

“Mwayish’ishombwa n’abantu boshi izîno lyâni lirhuma; ci owayôrhe ali mwinjà kuhika olusiku luzinda, oyo ye wâcunguke”».

Yowane 8:21

Yezu ashub’ibabwîra, erhi: «Nâcîgendera; mwannonza munafâne ecâha cinyu. Aha najà murhankahahika».

Yowane 8:24

“Nammubwîzire nti mwafâna ebyâha binyu. Nêci, akabà murhayêmîri oku nie Nyamubâho, mwafâna ebyâha binyu”».

Bagalasiya 3:3

Kurhi oku mwahûsirage omurhima, erhi murhangira kuli Mûka muyûkiza kuli cikoba!

Bagalasiya 3:4

kw’ebyo byoshi mwâbà ntamira-busha, akabà busha mwanarhamîrage!

Bagalasiya 5:7

Amashigwe ginyu gàli garhangire bwinjà! Ndi wacimuhanzizagye okushimba eby’okuli?

1 Yowane 2:19

Muli rhwe bàrhengaga, ci bàrhali ba muli rhwe; bulyâla bacibâga ba muli rhwe, rhinga babêzire haguma nîrhu. Ci kwàli kukwânîne kubonekane n’obwâlagale oku boshi ba­rhàli ba muli rhwe.

2 Yowane 1:8

Mucîlange, mulek’irhuma ebi rhwakolîre byafabusha, ci muyish’ihâbwa oluhembo luna­kwânîne.

Yûda 1:12

Abo bantu bo bakâzinza amadinye ginyu g’ecinyabuguma. Nka balya, barhabà nshonyi, na ntà cindi bakengêra okurhali kuyunjuza amada gâbo. Kwo bali nka bitù birhalimwo nkuba bidwîrhe byayehûlwa n’empûsi; eri mirhi ya canda erhalikwo malehe, efîre kabiri enakundusire!

Mafulûlo 2:10

Orhayôbohaga ebi wayish’ibabala. Alà oku Shetani akol’ikwêba baguma muli mwe omu mpamikwa, mpu ammurhangule, mwanayûsa nsiku ikumi erhi kurhindibuka mudwîrhe mwarhindibuka. Ozibuhe, osêre kuhika okufà, nâni nayakuhe ishungwè ly’obuzîne».

Mafulûlo 3:11

Ntârham’iyisha; ehi ogwêrhe, ohigwârhe buzibu, halek’ijira owakunyaga ishungwè lyâwe.

1 Samweli 15:11

«Ngayire omu kubona najizire Saulu mwâmi, bulya amacinyimpindulira arhalonzizi okujira oku ebinwa byâni bidesire». Samweli yêshi ayunjula njôli, alâla abirikira Nyamubâho obudufu boshi.