Ezekiyeli 18:23 - BIBLIYA NTAGATIFU OMU MASHI

²³ Ka nâkasima omubî âfè, -kwo adesire Nyakasane Nyamubâho, kali nsîma aleke olugendo lwâge lubî, alame?

Ezekiyeli 18:23 ပူးပေါင်းရင်းမြစ်များ

2 Samweli 14:14

Ntâye orhakafà, omuntu kwo ayôrha nka kula babulagira amîshi oku idaho barhanacigarhôle. Nyamuzinda arhazûsa owafîre: Yâgirwa oyêmêrere oyo mukagwa Absalomu arhenge eyo munda abâ, agaluke hano mwâwe.»

Ayubu 37:23

Ogala-byoshi, ntaho rhwankamushimâna! Ye mukulu, nn’obushinganyanya n’obuhashe!

Ennanga 147:11

Nnâmahanga ashagaluka erhi abamurhînya barhumire erhi abacìkuhagira obwinjà bwâge bàrhuma.

Yeremiya 31:20

“Efrayimu ye mugala wâni muzigirwa, mwâna nsîma bwenêne. Ngasi mango erhi nderha nti nakaliha, nankayumva arhantenga omu bukengêre, bulya mmuzigira bwenêne. Ntâko nakabula kumufa bwonjo”.

Ndûlù 3:33

Bulya omurhima gwâge gurhasîma kugayisa abantu erhi kubarhindibuza.

Ezekiyeli 18:32

Ntà­ kwirirwa olufù lw’omuntu, kwo adesire Nyakasane Nyamubâho. Mugomôke, mwâlama.

Ezekiyeli 33:11

Ogend’ibà­bwîra oku: Ndahîre obuzîne bwâni! Kwo adesire Nyakasane Nyamubâho, erhi: Ntalonza nti omunyabyâha aherêrekere, ci nti omunyabyâha aleke enjira yâge mbî analame. Mugomôke, mugomôke, muleke enjira mbî! Cici carhuma walekifà, wâni mulala gwa bene Israheli?

Hozeya 11:8

Efrayimu, kurhi nankakulcka, kurhi nakuhana, Israheli? Kurhi na­ nkakujira aka Adma, nkujire nka Seboyimu? Omurhima gwamampindamuka omu cifuba, obulà bwamànjuguma.

Mikeyo 7:18

Ndi wundi Nyamuzinda akâwe, obabalira amabî, ozaza ecâha, orhabika bukunizi ensiku n’amango ci okunda okufà bwonjo n’okubabalira?

Luka 15:10

“Kwo n’okwo, mmubwîre, hayish’ibà obushagaluke emwa bamalahika ba Nyamuzinda oku munya-byâha muguma ocîyunjuzize”».

Luka 15:32

“Ci kwàli kurhuyâmânîne okujira olusiku lukulu n’okushagaluka, bulya mulumuna wâwe àli afîre, lêro afûsire; àli ahezire, lêro abonesire!”»

1 Timoteyo 2:4

olonza abantu boshi bacunguke banahash’imanya eby’okuli.

Yakôbo 2:13

Bulya olubanja lurhababalira orhaba lukogo; ci olukogo kulimba lulimbira olubanja.

2 Petro 3:9

Nyakasane arhalegerîri okuyunjuza eciragâne câge, nk’oku baguma bakagerêreza mpu alegamire; lukogo olwo ammubêra, kulya kubà arhalonza hajire owahera, ci alonza boshi bacîyunjuze.