Ezekiyeli 18:19 - BIBLIYA NTAGATIFU OMU MASHI

¹⁹ Kandi munakaziderha mpu: «Cici cirhuma omwâna arhabarhula amabî g’îshe?» Ci kônene oyûla mwâna ashimbire okuli kwinjà n’okushingânîne, ashimbûlîre amarhegeko gâni goshi, anagalanga, ku­kwânîne alame.

Ezekiyeli 18:19 ပူးပေါင်းရင်းမြစ်များ

2 Bâm 23:26

Ci konene Nyamubâho arhatwîkaga oburhè ali agwêrhekwo Yûda erhi galya mabî Menashè amugayisagyamwo garhuma.

Lubungo 20:5

Orhahîraga okabaharâmya erhi kubakolera, bulya niene Nyakasane, Nyamuzinda wâwe, ndi wa mutula otulutumbya abâna oku mabî ga b’îshe, kuhika oku iburha lya kasharhu, n’erya kani, balya banshomba;

Yeremiya 15:4

Nâbajira kantu ka kuyôbohya oku mâmi g’igulu goshi, erhi Menashè orhuma, mwene Hizikiyahu, mwâmi w’omu Yûda n’ebi akozire omu Yeruzalemu.

Ndûlù 5:7

Ababusi bîrhu bakolaga ago mabî barhacibâho, ci kwône rhwe rhukolaga rhubarhwîre amaligo haguma n’amazibu g’obugoma bwâbo.

Ezekiyeli 18:18

Ebwa kubà îshe càli cishungu, akazâgizimba, arhalamaga bwinjà ekarhî k’olubaga lwâni, alà oku âfà erhi mabî gâge garhuma.

Ezekiyeli 18:2

Cici cirhuma mukaziyôrha mwaderha ogûla mugani omu cihugo c’Israheli, mpu: «Balarha balire ebîrhumbwe by’emizâbîbu, amîno g’abânarhabana bâbo gabola?»

Ezekiyeli 18:9

omu lugendo lwâge ashimbûlira amarhegeko gâni, analanga engeso zâni lyo ahasha okujira nka oku okuli kunadesire, omuntu wa bene oyôla ali mushinganyanya, kwo adesire Nyamubâho.

Ezekiyeli 20:24

Bulya barhashimbaga engeso zâni, bajandisire amarhegeko gâni banahemukira ensiku zâni za Sabato, n’amasù gâbo gacishwêkera oku bazimu ba b’îshe wâbo.

Ezekiyeli 20:30

Ee! Ogendigibwîra omulala gwa bene Israheli, erhi: Ntyâla kwo adesire Nyakasane Nyamubâho. Ka kwo binali mudwîrhe mwacîhemula omu kubà n’olugendo luli nka lugendo lwa basho, omu kucihemula n’abazimu bâbo,

Ezekiyeli 33:10

Nâwe wâni mwene omuntu, ojibwîra omulala gwa bene Israheli, erhi: Loli oku munakaziderha ebîra binwa, erhi: Amabî gîrhu n’ebyâha bîrhu rhwenene binali kwo, kandi byo birhuma rhufa; kurhi rhwakalamaga?

Lushika 5:9

“Orhahîraga okaharâmya ezo nshusho erhi okuzikolera. Bulya niono Nyamubâho Nyamuzinda wâwe mbà Nyamuzinda wa mitula. Obubî bw’ababusi nnambuhanire abâna bâbo, n’abinjikulu n’abinjikulûza bâbo, nka bali bantu banshomba”.