Ezekiyeli 17:4 - BIBLIYA NTAGATIFU OMU MASHI

⁴ Yanacitwakwo ishami lyàli lijire enyanya kulusha agandi goshi, yalijâna omu cihugo c’abarhimbûzi, yagend’ilirhûla omu lugo lw’abadwîrhe basâka.

Ezekiyeli 17:4 ပူးပေါင်းရင်းမြစ်များ

2 Bâm 24:12

Okubundi Yoyakini ahuluka ajà emunda olya mwâmi w’e Babiloni ali, yêne, nina, abambali, abagula bâge, n’enshangi zâge, naye olya mwâmi amugwârha mpira, mwâli omu mwâka gwa kali munâni kurhenga ali mwâmi.

Izaya 43:14

Ntyâla kwo adesire Nyakasane, mucunguzi winyu, Omutagatîfu w’Israheli: Mwe mwarhumire ntuma abantu e Babiloni, nâhamûla orhuhamikizo rhw’empamikwa zoshi, empûndu z’omwîshingo z'Abakaldeyi zâhinduka ndûlù.

Izaya 47:15

Ntyôla kwo bâbà abashonga bâwe wakâgikoyera kurhenga obusole bwâwe. Bagenda myâhu-myâhu, ngasi muguma lwâge lunda, ntâye ciru n’omuguma wâkulîkûza!

Yeremiya 24:1

Lâba oku Nyakasane amanyêreka birhiri bibirhi bya malehe ga mirehe, bidêkerezibwa aha muhango gw’akà-Nyamuzinda. Nabukondonozori, mwâmi w’e Babiloni ali amuhêka mpira, kulî na Yeruzalemu, Yekonyahu, mwene Yehoyakimu, mwâmi w’e Yûda, boshi n’abarhambo b’emwa Yûda, abatuzi n’ababinji, ali amabahêka e Babiloni

Yeremiya 51:13

We yûbaka oku burhambi bw’enyîshi, we mugale omu mihako, ôlwâwe lwahwîre, amango gakuhikîre.

Ezekiyeli 17:3

oderhe, erhi: Ntyâla kwo adesire Nyakasane Nyamubâho: Enyunda nnene, ya byûbi birîbirî na ya mujunja mulîrî, eyàli eyunjwîre môya ga ngasi ibara, yanacija e Libano, yanacigwa aha irhwe ly’omurhi gw’omuyerezi.

Ezekiyeli 17:5

Kandi yahêka emburho nguma y’omu cihugo, yayihêka omu ishwa lihinge oku cikunguzo c’olwîshi lunene.

Ezekiyeli 31:3

Alaga byo: oku muyerêzi gw’e Libano ogujira amashami minjinjà, e­byâsi byofôfi n’omurhi gulengerîre, omu bitù mwo irhwêrhwè lyâge lihikira.

Mafulûlo 18:3

kulya kubà amashanja goshi ganywîre oku irivayi ly’omutula gw’okuhusha kwâge, n’abâmi b’igulu bamuhushirekwo, na bulya obulimbi bwâge burhajira lugero bwagazize abarhunzi b’igulu».