Ezekiyeli 17:3 - BIBLIYA NTAGATIFU OMU MASHI

³ oderhe, erhi: Ntyâla kwo adesire Nyakasane Nyamubâho: Enyunda nnene, ya byûbi birîbirî na ya mujunja mulîrî, eyàli eyunjwîre môya ga ngasi ibara, yanacija e Libano, yanacigwa aha irhwe ly’omurhi gw’omuyerezi.

Ezekiyeli 17:3 ပူးပေါင်းရင်းမြစ်များ

Yeremiya 24:1

Lâba oku Nyakasane amanyêreka birhiri bibirhi bya malehe ga mirehe, bidêkerezibwa aha muhango gw’akà-Nyamuzinda. Nabukondonozori, mwâmi w’e Babiloni ali amuhêka mpira, kulî na Yeruzalemu, Yekonyahu, mwene Yehoyakimu, mwâmi w’e Yûda, boshi n’abarhambo b’emwa Yûda, abatuzi n’ababinji, ali amabahêka e Babiloni

Yeremiya 4:13

Lâba oku kashâba asôka nka citù, engâlè yâge kwo eri nka mpûsi, endogomi zâge zo zâkanya kulusha amakozi, rhwamahera! rhwamahwa!

Yeremiya 48:40

Ntya kwo Nyakasane adesire: (nka kula Nyunda alambûla ebyûbi anaj’ayêrêra enyanya za Mowabu).

Yeremiya 49:16

Wakagiyôbohya abantu boshi, wakazicîkebwa mpu oli mukulu bwenêne kubalusha cikwône kurheba wakagicîrheba. We bêra omu lwâla­ lw’amabuye, wâmanana oku masongerwe g’entondo, ciru akabà wajirimanika olwôgo lwâwe enyanya bwenêne nka lw’ikozi, nâkubungulula eyo munda». Kwo Nyakasane adesire ntyo.

Ndûlù 4:19

Abarhushimbire bo babidu kulusha ikozi lyabalala omu nkuba-karhî. Bajà barhulibirhakwo omu ntondo, bajà barhuhengûza ciru n’omu iru­ngu n’okurhurhega.

Ezekiyeli 17:4

Yanacitwakwo ishami lyàli lijire enyanya kulusha agandi goshi, yalijâna omu cihugo c’abarhimbûzi, yagend’ilirhûla omu lugo lw’abadwîrhe basâka.

Ezekiyeli 17:7

Hanaciyisha eyindi nyunda nnênênè, ya byûbi birîrî, ya mashala manji manji. Alà oku gulya muzâbîbu gwanaciyêrekeza emizî yago emunda erya nyunda eri kuguma gwayêrekezayo n’amashami ekaziga­domêrera, kurhenga muli agôla mashwa gàli guhinzirwemwo.

Ezekiyeli 31:3

Alaga byo: oku muyerêzi gw’e Libano ogujira amashami minjinjà, e­byâsi byofôfi n’omurhi gulengerîre, omu bitù mwo irhwêrhwè lyâge lihikira.

Daniyeli 2:38

“na ngasi habà muntu n’ensimba z’erubala, n’enyunyi z’emalunga byoshi abihizire omu maboko gâwe: we oligi lirya irhwe ly’amasholo”.

Daniyeli 4:22

“Bakulibirhakwo omu karhî k’abantu ogendilama omu karhî k’ensimba z’erubala, bakazikuha eci walya nka kula banalisa enkafu, wanalobe n’olumè lwarhenga oku nkuba na mango nda gahwa erhi onali ntyôla kuhika olinde omanya oku Ow’Enyanya bwenêne agwêrhe obuhashe oku mâmi g’abantu hanôla igulu n’oku ye ohâna obwâmi emwa ngasi oyu analonzize”.

Daniyeli 7:4

Entanzi yali eshushire entale erhi enagwêrhe ebyûbi biri nka bya nyunda. Nanacibona kandi yakûlwa ebyûbi, yanaciyîmanzibwa oku idaho, yayîmangira oku magulu nka muntu, yahâbwa n’omurhima guli nka gwa muntu.

Hozeya 8:1

Bûha omushekera. Nka nyunda, obuhanya bwamacihunika oku nyumpa ya Nyamuzinda w’Israheli, bulya bàvunyire eciragâne câni, banakabu­lira irhegeko lyâni.

Habakuki 1:8

Ebiterusi byâgwo byo bikanya kulusha akakiri, byo bigesha kulusha e­mpangaza z’ebijingo. Abarhabâzi bâbo bayisha bacinagira, barhenga erhali hôfi, kwo bahalala nka kula ikozi linashiha omunyama gwâlyo.

Mateyo 24:28

Aha omurhumba gwâbè ho n’enyunda zâshubukire.

Mateyo 4:24

Irenge lyâge lyalumîra omu Sîriya yoshi: banacimulêrhera balwâla banji, n’abàli bagwâsirwe n’obuzamba n’amalumwa ga ngasi lubero, n’abàli bagwêrhwe na Shetani, n’abasirhe n’abahinânge, anacibaciza.

Lushika 28:49

Nyamubâho akutulira ishanja ly’ekulî, lyayisha libalire nk’ikozi, kurhenga aha kafende k’igulu. Lyabà ishanja orhamanyiri olulimi lyaderha,