Ezekiyeli 17:20 - BIBLIYA NTAGATIFU OMU MASHI

²⁰ Namulambulirakwo akasira kâni anagwârhirwe omwôla kasira kâni, nâja namukululira e Babiloni, ngend’imuhanira eyo kuli erya ndagâno àvunaga.

Ezekiyeli 17:20 ပူးပေါင်းရင်းမြစ်များ

2 Samweli 18:9

Absalomu anacirhinda kuli bambali ba Daudi. Agôla mango Absalomu ali ashonyire oku ndogomi, ci mpu aciyaka, endogomi yâge yashesherera omu ishaka ly’amashami manji, irhwe lyâge lyanacihangarhana omu mashami ga gulya murhi, asigala ayêrêra omu cirêre, n’endogomi yâge yacîkulira omulindi.

2 Nganîro 33:11

Lêro Nyamubâho anaciyisha abarhumire abarhambo n’engabo y’abalwî ba mwâmi w’e Asîriya, bagwârha Menashè n’ebyûma by’amîno-mîno n’erhi babà bamâmushwêka na ba caburhinda babirhi b’ecûma c’omulinga bamuhêka e Babiloni.

Ayubu 10:16

Erhi najiderha nti nyinamule irhwe, onampîve kula entale ehìva, erhi kandi oshubinkolera akal’ibala.

Muhanûzi 9:12

Omuntu arhabà ayishi ensa yâge: kulyâla enfî zigwârhwa omu kêshe kafulike, nîsi erhi ebinyunyi oku murhego, kwo n’omuntu naye agwârhwa n’obuhanya, amango bumurhibukîre buzira kulâliza.

Yeremiya 2:35

Onadwîrhage waderha erhi: «ndi mwêru-kwêru omungo gwâge arhaciri nie bagurhûlakwo». Lâba oku lubanja lwâwe nditwa wedwîrhe waderha erhi «ntajiraga câhal!»

Yeremiya 2:9

Nkolaga namuyâgiriza, ye kudesire Nyakasane, mwoyo na bagala na bagala binyu.

Yeremiya 34:21

“Sedekyahu mwâmi wa Yûda naye, n’abaluzi boshi, nabo nâbahana omu maboko g’abalenzi, omu maboko g’ababakulikire, n’omu maboko g’abasirika ba mwâmi w’e Babiloni n’obwo anali amârhangiyêgûla engabo zâge”.

Yeremiya 37:17

Mwâmi Sedekyahu anacirhuma mpu bajimulola. Mwâmi amudekeza omu mwâge bufundafunda, erhi: «Ka hali akanwa ka Nyakasane?» Yeremiyahu ashuza, erhi: «nêci ho kali». Anashubiderha, erhi: «Bamâkuheba omu nfune z’omwâmi w’e Babiloni».

Yeremiya 50:44

Kwo nâyôrha nka kula entale erhenga omu mashaka ga Yordani esôkere ebwa kahasi kabishi, kwo Nyakasane adesire. Mbalibirhe­ kwo boshi oku caligumiza. Okubundi nyimike omurhambo nacîshozire niene omu Babiloni. Ndigi wankacîgerera kuli nie. Na murhegesi ohi wakampigiza?

Ndûlù 1:13

Kurhenga enyanya ambulagire omuliro omu rhuvuha rhwâni, rhwanayabirwa nagwo. Antezire akasirha mpu angwâse amagulu, anankuba. Anjizire muntu wâgo wâgo, na mulwâla buca buyira.

Ndûlù 4:20

Ngasi oyu akalamo kîrhu kàli kacisimikirekwo, oyu kàlicîkubagire, o­mwâmi washîgagwa amavurha na Nyakasane, ye rhwakagiderha, nti: «Ye rhwalamirakwo oyu omu karhî k’amashanja», y’oyo naye wagwaâsirwe mpira omu mwîna gw’omushombanyi!

Ezekiyeli 12:13

“Nâmurhenza, agwârhwe omu kasira kâni; nâmuhêka e Babiloni, omu cihugo c’Abanya-Kaldeya. Ci konene arhacibone, ciru yo anafîra”.

Ezekiyeli 15:8

Ecihugo nâcijira bwâmwa, ebwa kubà bangomire, kwo adesire Nyakasane Nyamubâho.

Ezekiyeli 17:19

Co cirhumire aderha ntyâla Nyakasane Nyamubâho. Ndahîre oku izîno lyâni, erya ndahiro yâni alahiraga, erya ndagâno yâni àvunaga, namuhirabyo aha irhwe lyâge.

Ezekiyeli 18:24

Ci erhi omushinganyanya ankakabulira obushinganyanya bwâge, akarhangira okukâjira amabî, akakazijira ebigalugalu nka bîra omubî anajira, k’âlama obwôla? Barhankacikengêra obushinganyanya boshi àjizire, ci obugoma ajiremwo, n’ecâha ajizire byo byarhuma âfà.

Ezekiyeli 32:3

“Ntyâla kwo adesire Nyakasane Nyamubâho: Nâkurhega n’akêshe kâni, amashanja gâkugorha, gayishe gâkukulula omu milaga yâni”.

Ezekiyeli 38:22

“Nâyishimuhana n’endwâla y’ecihûsi n’okubulajika kw’omukò, nâmuniekeza enkuba y’ecihonzi, ey’olubula, nârhuma engulumira z’omuliro n’eza ecibiriti kuli ye n’oku bigamba byâge n’oku myandu y’embaga ziri boshi naye”.

Hozeya 2:2

Abâna ba Yûda n’ab’Israheli balungana, bâbà na mwâmi muguma, bânagandâza kurhaluka olubibi lw’ecihugo câbo bulya lwâbà luhamu olusiku lwa Yizreeli.

Hozeya 7:12

Bagende, aha bankaja nâbarhega akêshe kâni, nâbamanula nka kanyunyi k’emalunga, nâbahana oku mabî gâbo.

Mikeyo 6:2

Ewe mwe mirhezi muyumve olubanja lwa Nyakasane, ninyu mwe biriba bizibuzibu by’igulu, bulya Nyakasane ali lubanja bo n’olubaga lwâge, akwâmire Israheli.

Luka 21:35

Bulya abantu boshi b’igulu lyoshi kwo lwayish’ibayishira nka murhego.