Ezekiyeli 17:12 - BIBLIYA NTAGATIFU OMU MASHI

¹² Obwîre ogwôla murhwe gw’abagoma, erhi: Ka murhamanyirikwo kuderha kuci okwôla? Oderhe, erhi: Loli oku omwâmi w’e Babiloni ajire e Yeruzalemu; arhenza yo mwâmi n’abaluzi anacibahêka emwâge e Babiloni.

Ezekiyeli 17:12 ပူးပေါင်းရင်းမြစ်များ

2 Bâm 24:20

Okwôla koshi kwabaga omu Yeru zalemu n’omu Yûda erhi bukunizi bwa Nyamubâho burhuma kuhika amango abakagaga loshi embere zâge. Sedekiyasi anacicihindula kuli mwâmi w’e Babiloni.

Lubungo 12:26

“Amango abâna binyu bâmudôsa”, mpu: “Co cijiro cici eci mukâjira?”

Izaya 1:2

Mwe malunga, muyumve, nâwe we igulu, orhege amarhwîri, bulya Nyakasane odesire, erhi: «Nalîsize abâna nanabalera, ci bôhe bangomera.

Izaya 3:2

entwâli n’omulwî, omutwî w’emmanja n’omulêbi, omushonga n’omugula,

Izaya 39:7

N’omu bâna bâwe, balya ôburha wêne, baguma bahêkwa, bagend’ijirwa bi­bwindi by’omu burhwâli bw’omwâmi w’e Babiloni».

Yeremiya 34:21

“Sedekyahu mwâmi wa Yûda naye, n’abaluzi boshi, nabo nâbahana omu maboko g’abalenzi, omu maboko g’ababakulikire, n’omu maboko g’abasirika ba mwâmi w’e Babiloni n’obwo anali amârhangiyêgûla engabo zâge”.

Yeremiya 37:1

Sedekyahu, mugala wa Yoshiyahu, anaciyîma omu bya Koniyasi, mugala wa Yehoyakimu, ye Nabukondonozori, mwâmi w’e Babiloni ali ajizire mwâmi omu cihugo ca Yûda.

Yeremiya 52:3

Ebyabîre ago mango e Yeruzalemu n’omu bwâmi bw’e Yûda byasholoshonza obukunizi bwa Nyakasane, lêro naye akabulira olubaga lwâge kuli bwenêne naye. Sedekyahu agomera mwâmi Nabukondonozori w’e Babiloni.

Ezekiyeli 1:2

Omu nsiku irhanu z’omwêzi -gwàli mwâka gwa karhanu kurhenga mwâmi Yoyakini alulizîbwe-,

Ezekiyeli 17:11

Akanwa ka Nyamubâho kanacintindakwo muli ebîra binwa, erhi:

Ezekiyeli 17:3

oderhe, erhi: Ntyâla kwo adesire Nyakasane Nyamubâho: Enyunda nnene, ya byûbi birîbirî na ya mujunja mulîrî, eyàli eyunjwîre môya ga ngasi ibara, yanacija e Libano, yanacigwa aha irhwe ly’omurhi gw’omuyerezi.

Ezekiyeli 2:8

Ci woyo, mwene omuntu, yumva oku nakubwîra: orhabâga mugoma aka eyôla nyumpa y’abagoma; obumbûle akanwa onalye ngasi ebi nakanakuhà».

Ezekiyeli 24:19

Okubundi olubaga lwanacimbwîra, erhi: «Kawakarhubwîra bwinjà kwo kuderha ku­erhi okûla odwîrhe wajira?»

Ezekiyeli 3:9

Amalanga gâwe nâgazibuhya nka diyama, yo elusha ibuye okuzibuha. Orhabayôbohaga, orhabarhînyaga, bulya bali iburha lya bagoma».

Ezekiyeli 37:18

N’erhi bene olubaga lwâwe bankakudôsa muli ebîra binwa mpu: K’orharhuhugûlire nîrhu bici walonza okumanyîsa kuli okwôla? Wânababwîra erhi:

Mateyo 13:51

Erhi ayûs’ibatwa eyo migani, abadôsa, erhi: «Ka mwayumvîrhe ebyo byoshi?» Bamushuza, mpu: «Nêci, rhuyumvîrhe».

Mateyo 16:11

Cankarhuma murhayumva oku ntali omu by’emigati? Mumanye engezo y’Abafarizeyi n’Abasaduceyi!»

Marko 4:13

Anacibabwîra, erhi: «Ka murhayumvîrhi ogu mugani? Kurhi mwâciyumvagye eyindi migani yoshi?

Luka 9:45

Ci kwônene bôhe barhayumvagya olwo luderho, lwayôrha lufulike mpu lyo barhaluhugûke; banarhînya okumudôsalwo.

Ebijiro 8:30

Filipo anacikanya, ayumva adwîrhe asoma omu citabu c’omulêbi Izaya; amudôsa, erhi: «K’oyumvîrhe ebi odwîrhe wasoma?»

Lushika 6:20

Amango mugala wâwe akakudôsa erhi: «Ebîra binwa, aga marhegeko n’ezîra ngeso Nyamubâho, Nyamuzinda wîrhu àmurhegekaga kwo kuderha kurhi»?

Yozwe 4:21

Anacibwîra bene Israheli erhi: «Mango abâna binyu bankadosa b’îshe wâbo irhondo mpu: aga mabuye kuli kuderha kurhi?

Yozwe 4:6

Gayôrha cimanyîso kuli mwe. Erhi abâna binyu bakabadôsa irhondo: mpu agâla mabuye gali ga kuderha kurhi?