Ezekiyeli 16:4 - BIBLIYA NTAGATIFU OMU MASHI

⁴ Aha kuburhwa kwâwe, olusiku wajagamwo eno igulu, barhakutwaga enkunga, barhakuhiraga omu mîshi mpu bakushuke, barhakushîgaga munyu, barhakubwîkaga n’ebirere.

Ezekiyeli 16:4 ပူးပေါင်းရင်းမြစ်များ

Murhondêro 15:13

Nyamubâho anacibwîra Abramu, erhi: «Omanye bwinjà oku abâna bâwe bâbà nka bigolo omu cihugo cirhali câbo. Babà bajà eyo munda banabalibuze myâka magana anni.

Ndûlù 2:20

Nyakasane, lolà obone ndi ojirîre ntyo. Mâshi Nyakasane, kurhi abakazi bankahika cingana aha, kulya abâna boburhaga bône banabalera? Ku­erhi abashombanyi bankalinda bahika aha kuyîrhira abadâhwa n’abalêbi omu cirhînyiro câwe?

Ndûlù 2:22

Abashombanyi bâni badârhi wabalalisire nk’oku lusiku lukulu. Yâgirwa Nyakasane, olusiku omutula gwâwe gwabashaga, harhajiraga omuntu wasigala erhi ashugunuke. Omushombanyi àhungumwîre abâna naleraga nanakazagihêka emugongo.

Ezekiyeli 16:3

Oderhe erhi ntyâla kwo adesire Nyakasane Nyamubâho kuli Yeruzalemu. Omu kulola oku cisiki n’oku kuburhwa kwâwe oli w’omu cihugo ca Kanâni. Sho abâga munyahiti.

Ezekiyeli 20:13

Ci omulala gw’Israheli gwacîhindula kuli nie omwôla irungu; barhashimbaga amarhegeko gâni, bàjandika engeso zâni ezi balibagwâsirwe okushimba lyo balama nazo, barhajiraga okurhali kuhemukira ezo nsiku zâni za Sabato. Okubundi nanacibà n’olukengêro lw’okuderha oku nkola nabadubulirakwo abukunizi bwâni omwôla irungu, nti mbamalîre.

Ezekiyeli 20:8

Ci bàcîhindula kuli nie, barhalonzagya okunyumva. Ntâye ciru n’omuguma wakabulîre ebyôla by’ibala bàkazâgimêkeza amasù; barhalekaga abazimu b’e Mîsiri. Nâbà n’olukengêro lw’okuderha nti nâbadubulirakwo obukunizi bwâni, nti mbayûkize kwo oburhè bwâni, omwôla cihugo c’e Mîsiri.

Hozeya 2:3

Bwiragi bene winyu, erhi: «Lubaga lwâni», na bâli binyu, erhi: «Musîmwa».

Hozeya 2:5

Akabà nanga namugendêsa bushugunu, mmujire nk’olusiku àburhagwa, nâmushushîsa obwerûle, namujira nk’idaho lyûmu, mmuyirhe n’enyôrha.

Luka 2:12

Ecimanyîso mwamumanyirakwo c’eci: mwâbugâna akabonjo kabwisirwe orhushangi kanagwishizîbwe omu ciranga».

Luka 2:7

Anaciburha omwâna-rhabana lubere lwâge, amubwîka n’orhushangi, anamugwîshiza omu ciranga, bulya barhabonaga cirâlo omu nyumpa y’ebigolo.

Lushika 15:15

Okaz’ikengêra oku wali mujà e Misirina Nyamubâho, Nyamuzinda wâwe akucungula. Co cirhumire nkuhà eryôla irhegeko ene.

Lushika 5:6

«Nie Nyamubâho, Nyamuzinda wâwe, nie nakurhenzagya omu cihugo c’e Mîsiri, omu nyumpa wali mujà.

Yozwe 24:2

Yozwè anacibwîra olubaga lwoshi, erhi: «Nyakasane, Nyamuzinda w’Israheli, adesire ntya: “basho, Terahi, îshe w’Abrahamu n’îshe wa Nahori, mîra bayûbakaga olundi lunda lw’olwîshi, banakazirhumikira abandi banyamuzinda”.