Ezekiyeli 16:19 - BIBLIYA NTAGATIFU OMU MASHI

¹⁹ Omugati nakuhaga gw’omu nshâno y’omulà, amavurha n’obûci nakazâgikulisamwo wabihêkera abôla bazimu bâwe mpu lyo obasimîsa. K’obwîne ebyo wajizire, kwo adesire Nyakasane Nyamubâho.

Ezekiyeli 16:19 ပူးပေါင်းရင်းမြစ်များ

Murhondêro 8:21

Nyakasane abayiza hirya hibayo hinjà anacigerereza, erhi: «Ntakacihehêrera igulu bundi erhi muntu orhuma, bulya iralà lyâge libà liyêrekîre amabî kurhenga emuhimbo, ntakacishangula bundi ebizîne nk’oku nzind’ijira.

Yeremiya 3:24

Bya-nshonyi byalire omukolo gwa ba larha kurhenga eburhò bwîrhu, ebintu byâbo binyinyi n’ebinênênè bagala bâbo na bâli bâbo.

Ezekiyeli 16:13

Wàyambaliza amasholo n’amarhale, wacîhundikira ecitâni, emyambalo yadirhimana enali ya bushengerêre. Enshâno y’omûla, obûci n’amavurha byo byàli biryo byâwe.

Ezekiyeli 16:18

Wàyansire oku myambalo yâwe y’obushengerêre waziyambikakwo, n’amavurha gâni n’obukù bwâni wâbà­rhererekêra byo.

Ezekiyeli 7:20

Bàkazâg’ilimbira ebisikiyo byâbo: babijira byàbà nsanamu zâbo ngalugalu, byàbà bazimu bâbo. Co carhuma nkola najira kabè kantu kakaz’ibagezamwo omusisi.