Ezekiyeli 16:18 - BIBLIYA NTAGATIFU OMU MASHI

¹⁸ Wàyansire oku myambalo yâwe y’obushengerêre waziyambikakwo, n’amavurha gâni n’obukù bwâni wâbà­rhererekêra byo.

Ezekiyeli 16:18 ပူးပေါင်းရင်းမြစ်များ

Yeremiya 1:16

Naderha ebinwa by’okutwa olubanja lwâbo, ebiyêrekîre amaligo gâbo goshi bulyâla bàndekerîre bagendigashâniza banyamuzinda b’emwa bene, bagendiharâmya obushanja bw’enfune zâbo.

Ezekiyeli 14:14

n’erhi muli ecôla cihugo mwankaboneka bantu basharhu bali nka Nûhu, Daniyeli na Ayubu, abôla bantu banaciza obuzîne bwâbo erhi bushinganyanya bwâbo burhuma, kwo adesire Nyakasane Nyamubâho.

Ezekiyeli 16:10

Nakuyambisa emyambalo eri kwo obushengerêre, nakuhira enkwêrho z’oluhù e magulu, nakuyambika omukaba gw’ecitâni, n’ecishûli cadirhimana.

Ezekiyeli 16:17

Wanacirhôla e­njuma zâwe z’amasholo n’eza amarhale ezi nakuhaga wagend’ijiramwo ensanamu z’abalume wanacihemula nazo.

Ezekiyeli 16:19

Omugati nakuhaga gw’omu nshâno y’omulà, amavurha n’obûci nakazâgikulisamwo wabihêkera abôla bazimu bâwe mpu lyo obasimîsa. K’obwîne ebyo wajizire, kwo adesire Nyakasane Nyamubâho.

Ezekiyeli 23:41

Wanacitamala oku ncingo nyinjinjà, eyi bâli bahizire amêza embere, na kuli agôla mêza wali obikîrekwo enshangi yâni n’amavurha gâni.

Ezekiyeli 27:16

Edomu akazâgiyishigulira emwâwe erhi bunji bwa bintu byâwe burhuma: akazâgikujuha ezumaridi, emishangi y’akaduku, ey’obushengerêre n’eyindi eri nka citâni cinjinja n’amarajani n’eakiki, byo bakazâgikujuha oku bintu bagulaga emwâwe.

Hozeya 2:7

Nêci, nnina yàbîre mbaraga, owababurhaga àcîhemwîre; aderha, erhi: «Nâkulikira abalume bâni, bo bampà omugati n’amîshi, emishangi n’emipira, amavurha n’ecinyôbwa.»

Lushika 32:38

Balya bakazâgirya amashushi g’enterekêro zâbo banakazinywa idivayi ly’okugashâniza kwâbo, bayimangage bamurhabâle, bahindukage lwâkiro lwinyu.