Ezekiyeli 15:8 - BIBLIYA NTAGATIFU OMU MASHI

⁸ Ecihugo nâcijira bwâmwa, ebwa kubà bangomire, kwo adesire Nyakasane Nyamubâho.

Ezekiyeli 15:8 ပူးပေါင်းရင်းမြစ်များ

Lubungo 21:8

Erhi ankabà arhasimisizi nnâhamwâbo walicimwishozire, nnâhamwâbo anayêmêra agombôlwe. Ci arhankamuguliza ishanja ly’ihanga, bulya okwo kwanabà nka kulenganya.

Izaya 6:11

Nanaciderha, nti: «Kuhika mangaci, Yâgirwa?» Anshuza, erhi: «Kuhika engo ziyôrhe bwâmwa, zibule abazibêramwo; kuhika enyumpa ziyôrhe bûmu, buzira muntu; kuhika amashwa gahinduke bwerûle bw’irungu.

Ezekiyeli 16:1

Akanwa ka Nyamubâho kanacintindakwo muli ebîra binwa, erhi:

Ezekiyeli 17:20

Namulambulirakwo akasira kâni anagwârhirwe omwôla kasira kâni, nâja namukululira e Babiloni, ngend’imuhanira eyo kuli erya ndagâno àvunaga.

Ezekiyeli 33:29

“Ntyo bamanya oku nie na ndi Nyamubâho hano babona ecihugo cisigala bwâmwa, lishuba irungu erhi agôla mabî gâbo bakazijira garhuma”.

Ezekiyeli 39:26

«Bâyishiyibagira amabî gâbo goshi n’oku bandekêreraga kwoshi, hano babona bakola bayûbasire omu cihugo câbo n’omurhûla, buzira kadundo.

Ezekiyeli 6:14

Nâlambûlira okuboko kwâni kuli bwo n’ecihugo coshi ncijire bwâmwa kurhenga omw’irungu kuhika e Ribla, na ngasi hoshi bayûbaka na ntyo banamanya oku nie Nyamubâho.

Sofoniya 1:18

Oli ensaranga zâbo, oli amasholo gâbo, ntà biguma byâhashibayôkola. Omu lusiku lw’omungo gwa Nyakasane, omu bumvu bwâge igulu lyoshi lyâherêrekera. Bulya anigûza, nêci, aheze abantu boshi omu igulu.