Ezekiyeli 14:8 - BIBLIYA NTAGATIFU OMU MASHI

⁸ Nanacihindula kuli oyôla muntu, nanamujira lwîganyo na mugani oku bandi, nanamukûla omu lubaga lwâni, na ntyôla mwanamanya oku nie Nyamubâho.

Ezekiyeli 14:8 ပူးပေါင်းရင်းမြစ်များ

Ennanga 34:16

Isù lya Nyakasane lirharhenga oku bashinganyanya, n’amarhwîri gâge gayôrha gali marhege galinga omulenge gwâbo.

Ennanga 34:17

Obusù bwa Nyakasane burhabà oku nkola-maligo, azizàze hano igulu ntâye ocizikengêrage.

Ennanga 37:22

Bulya yêhe abà ahâ obwangà, bo balya igulu, n’abà ahehêrera kukubunguka bakubunguka.

Izaya 65:15

Mwâsiga izîno linyu liyôrhe ndahiro y'abîshogwa bâni, bâkaz'iderha, mpu: «Nyakasane Nyamubâho akakurhingamira!» Ci abarhumisi bâge âkabaderha omu lindi izîno.

Yeremiya 21:10

Bulyâla ogu murhundu nkola naguhindamukira kuderha mpu guhanyagale, c’arhali mpu gucîre, kanwa ka Nyakasane, gwâhirwa omu nfune z’omwâmi w’e Babiloni, ye waguyôca n’omuliro.»

Yeremiya 24:9

“Nâbajira babè bakushologosa, banabè buhanya oku mâmi g’igulu goshi; cibonya-nshonyi, lwimbo, masheka g’abagera, ihanja ngasi hoshi n’abahabulira”.

Yeremiya 29:22

“Barhengakwo omugani gw’okuhehêrera gukazikolêsibwa na balya bo­ hi bahêsirwe mpira, kurhengera Yûda kujà e Babiloni mpu: Nyakasane akujire aka Sidikiyahu na Ahabu, bo bayôcibagwa n’omwâmi w’e Babiloni”.

Yeremiya 44:11

Co cirhumirage, yekudesire Nyakasane w’Emirhwe, Nyamuzinda w’Israheli. Lâbi nkola natulumukirwa muhanyagale, na Yûda aherêrekere yêshi.

Ezekiyeli 13:23

yumvagi! Murhakacifa mwa­lêbire eby’obunywesi, murhakacifa mwadesire eby’okurhebana. Nalikûza olu­baga lwâni ndurhenze omu maboko ginyu, na ntyo mwânamanya oku nie Nyamubâho.

Ezekiyeli 15:7

Nahindamwîre obusù bwâni kuli bo. Bafumire omuliro, ci muliro gwânabamalîre. Na ntyo mwâmanya oku nandi Nyamubâho, amango nâhindamula obusù bwâni kuli bo.

Ezekiyeli 5:15

Wâbà masheka, kantu ka nshonyi, lwîganyo lwa kuyôbohya oku mashanja gakuzonzire amango nakujirira ebyôla byoshi omu bucîranuzi bwâni haguma n’oburhè n’obukunizi n’amahane makali. Nie Nyamubâho okudesire.

Ezekiyeli 6:7

Abantu bafunde engôrho bâkazihirima omu karhî kinyu, na ntyo mwânamanya oku ho mbà, nie Nyamubâho.

Ben Levi 17:10

Ngasi muntu w’omu nyumpa y’Israheli kandi erhi mubunga, erhi ankalya omwamba gwa cintu cilebe, nanakunirira oyo muntu wacìshomagya alya ogwo mwamba kandi nanamukaga muli bene wâbo.

Ben Levi 22:3

Onababwîre oku erhi ngasi muntu w’omu bûko bwinyu, yêshi ankabà azizire, agal’iciîshomya mpu ayêgera obwangà butagatîfu bw’ebi bene Israheli banterekêra, oyôla muntu akola ayôsire ali mukâge embere zâni.

Ben Levi 26:17

Nammuyâsa obusù bwâni, munakaz’ihimwa n’abashombanyi binyu n’abammushomba babà bo bakammurhegeka, mugal’ikaz’iyaka n’obwo ntâye omurhezire.

Mibalè 19:20

Omuntu wankabà mugalugalu nka arhanacîcêsizi, anakagwe omu lubaga, bulya adwîrhe ahemula ahantu himâna ha Nyamubâho; bulya galya mîshi gakûla ebizinzire garhabulajikire kuli ye: ali mugalugalu.

Mibalè 26:10

Obudaka bwanaciyashama bwabamirangusa (na Korè, galya mango omurhwe gwâge gwafaga, go mango omuliro gwamiragusagya bantu magana abirhi na makumi arhanu. Babà lwîganyo oku bandi.

Barom 11:22

Kuziga omanye obwinjà n’obukali bwa Nyamuzinda: bukali kuli balya bahirimire, bwinjà bwa Nyamuzinda kuli we, casinga obêre mwo obwo bwinjà; akabà arhali ntyo, nâwe kutûbwa wanayish’itûbwa.

1 Bakorinti 10:11

Ebyo byoshi byabayishîre mpu bibè lwîganyo, byanayandisirwe mpu rhubonereho, rhwe rhwahika omu nsiku nzinda.

Lushika 28:37

Wâbà birhangâlo; lwimbo na masheka omu mashanja Nyamubâho akuhêka.

Lushika 28:46

Ago mahanya ensiku zoshi gayôrha gali cimanyîso na cisômerîne kuli we n’oku bûko bwâwe.

Lushika 29:19

Nyamuzinda arhankaziga amubabalira. Ciru oburhè n’emitula ya Nyamuzinda yanahikira oyo muntu; amahanya gayandisìrwe mw’eci citabu goshi ganamurhibukira, na Nyamuzinda anaherêrekeza izîno lyâge hano idako ly’amalunga.