Ezekiyeli 14:13 - BIBLIYA NTAGATIFU OMU MASHI

¹³ Wâni mwene omuntu, erhi ecihugo cakangomera omu kukanjirira ebibî, nânacila­mbulirakwo okuboko kwâni, ncivungunyulire omugati gw’olwîko, nânacirhumira ecizombo kandi nyîrhe muli co abantu na ngasi hya bûko nyama,

Ezekiyeli 14:13 ပူးပေါင်းရင်းမြစ်များ

Murhondêro 6:7

Nyakasane aderha, erhi: «Omu igulu nkola naholola abantu nalemaga; bône ensimba n’ebinyâgârha n’ebinyunyi by’emalunga, bulya namaciganya ecarhumaga nabijira».

Ezra 9:6

nanaciderha, nti: Yâgirwa Nyamubâho, niono nyunjwîre mungo na mutula birhankarhuma nacîshomya nti ngalamire emunda oli, bulya amabî gîrhu gayûshûsire, garhaluka olugero, na ntyo obubî bwîrhu bwarhaluka amalunga.

Izaya 24:20

lgulu lidwîrhe lyadândabagana nka mulalwè, lidwîrhe lyadundagana nka cifumba. Obubî bwâlyo buligogomize; likola lyahenanguka, lirhakacizûka.

Izaya 3:1

Alà oku Nyakasane Nyamuzinda w’Emirhwe akola anyaga Yeruzalemu na Yûda ngasi nsimikiro na ngasi burhabâle bwa mugati n’obw’amîshi.

Yeremiya 32:43

“Bâshubigula amashwa muli eci cihugo badwîrhe baderha mpu cikola cicibêra bwêrûlè, ntà bicidundamwo: ntà muntu, ntà hisimba erhi bene Kalideya bayûsicihima”.

Yeremiya 36:29

“Na kuli Yehoyakimu, mwâmi w’e Yûda, oderhe erhi: ntya kwo Nyakasane adesire: Wayôcire eci cizingo waderha, erhi: cici carhumaga bayandika mpu kwo binali mwâmi w’e Babiloni ayisha ashande eci cihugo anaherêrekeze eci cihugo, abà­ntu n’ebintu?”

Yeremiya 52:6

Ecizombo cadârhabala bwenêne omu cishagala, cirhâcirimwo biryo by’okulîsa olubaga.

Yeremiya 7:20

Kwo Nyakasane Nyamubâho adesirage ntya: Lâbi oku omutula gwâni, omungo gwâni, gukola gwacîrhulira ahâla, oku bantu n’oku bintu, oku mîshi g’omu mashwa n’oku malehe g’omu ishwa; gwayôca burhazima.

Ndûlù 1:20

Nyakasane, olole, obone mababale manganaci gano gangwêrhe obulà buli bwajugumana na buno omurhima gubangalîre, bulya nakugomîre kubî bwenêne! Engôrho yanyukîze abâna omu njira, n’omu nyumpa mifù yône yône elambamire.

Ndûlù 1:8

Yeruzalemu akozire amaligo manene bwenêne, co cirhumire akola ali wa kushologorhana. Abamukengaga lêro badwîrhe bamugayaguza, ene babona akola ali bushungunu. Asigalirage okukaziyâma kwône n’okuhinduka ashubira nyuma.

Ezekiyeli 14:12

Akanwa ka Nyamubâho kanacintindakwo muli ebîra binwa, erhi:

Ezekiyeli 14:17

Erhi na­ nkaheka engôrho muli ecôla cihugo, nkaderha nti: «Engôrho egere muli ecîra cihugo, nânanigûzamwo abantu n’ebintu».

Ezekiyeli 14:19

Erhi nankarhuma ecihûsi muli ecôla cihugo n’erhi na­nkabayûkizakwo oburhè bwâni omu kushêshemwo omukò, mperêrekeze ebi­ntu n’abantu;

Ezekiyeli 14:21

Ntyâla kwo adesire Nyakasane Nyamubâho: «Ciru erhi nankarhôla galya mahanya gâni anni g’okujugumya, engôrho, ecizombo, ebiryanyi n’ecihûsi, nka bihonda kuli Yeruzalemu, lyo mpezamwo ebintu n’abantu,

Ezekiyeli 15:8

Ecihugo nâcijira bwâmwa, ebwa kubà bangomire, kwo adesire Nyakasane Nyamubâho.

Ezekiyeli 20:27

Co cirhumire ogend’iderhêza omulala gwa bene Israheli, wâni mwene omuntu. Obabwîre erhi ntyâla kwo adesire Nyakasane Nyamubâho. Ahôla kandi basho bàngayîsa erhi banjirira okw’obulyâlya.

Ezekiyeli 25:13

Ko kurhumire Nyakasane Nyamubâho adesire, erhi: Nkola nâlambûla okuboko kuli Edomu naye, nâmaliramwo e­nyama n’abantu. Nâjira ayôrhe mwerûlè, kurhenga e Temani kujà e Dedani, bâhungumuka n’engôrho.

Ezekiyeli 4:16

Kandi àshubimbwîra erhi: Mwene omuntu, lolà oku nkola navunanga nsherêze embîko y’omugati gwa Yeruzalemu: Bakazilîra oku bihamba ecihimbi c’omugati cigere, n’amîshi nago bânakaziganywa erhi bânajuguma bulya nago gali magere,

Ezekiyeli 5:16

Omu kukurhumira enyampi yâni mikali y’ecizombo, yo yanakumalîra bulya nayirhuma ekuheze, ciru nanyûshûle eryo ishali kuli we, -nânaherêrekeza omugati olya, ogu wali ocicîbikîre.

Ezekiyeli 6:14

Nâlambûlira okuboko kwâni kuli bwo n’ecihugo coshi ncijire bwâmwa kurhenga omw’irungu kuhika e Ribla, na ngasi hoshi bayûbaka na ntyo banamanya oku nie Nyamubâho.

Ezekiyeli 9:9

Anacimbwîra erhi: «Obubî bw’omulala gw’Israheli n’ogwa Yûda buli bunji okurhalusire, ecihugo cayunjulîre mukò, olugo ludwîrhe lwalerengana, bulya badwîrhe baderha, mpu: Nyamubâho àrhenzire omu cihugo, Nyamubâho arhankabona.

Daniyeli 9:5

Rhwajizire ebyâha rhwanahabuka, rhwakozire amabî rhwanahinduka bagoma, rhwajandika amarhegeko n’engeso zâwe.

Ben Levi 26:26

Go mango nammunyaga omugati mulamirakwo, mwabona oku bakazi ikumi bakaz’idugira omugati masiga maguma, banakola bakâgera obuzirho bwâgwo, mukola mwakaz’ilya murhanaciyigurha.