Ezekiyeli 13:19 - BIBLIYA NTAGATIFU OMU MASHI

¹⁹ Munakaz’imbonêsa nshonyi embere z’olubaga lwâni oku mushamarha musungunu gwa ngano n’erhi bihimbi bisungunu bya mugati birhuma, mwanayîrha ntyôla abantu barhali bakwânîne okufà, munaleke balya bâli bakwânîne okufà, omu kurhebêba olubaga lwâni lusîma okubayumvirhiza omu by’obunywesi.

Ezekiyeli 13:19 ပူးပေါင်းရင်းမြစ်များ

Migani 17:15

Okulîka omugoma, n’okutumuza omwêru-kwêru, bibirhi Nyakasane ashomba ebyo.

Migani 19:27

Mwâna wâni, olekage n’okuyumva amahano, akabà kuyâka walonza okuyâka ebinwa by’oburhimanya.

Migani 28:21

Kurhabà kwinjà okujira akanânâ, ci kwône ehihimbi hy’ecijumbu hinarhume omuntu alyâlyanya.

Izaya 5:20

Buhanya bwâbo abadwîrhe baderha ehinja mpu hibî n’ehibî mpu hyo hinjà! Banabul’icîkêbwa ehiri hyêru mpu hyo hîru n’ehîru mpu hyo hyêru. Ehinunu banahihindule mpu hyo hyalula n’ehyalula mpu hyo hinunu.

Izaya 56:11

Orhwo rhubwa rhugwêrhe omumiro muhubu rhurhanahûga, bo bangere barhankahash’iyumwa cici! Boshi banakaz’ishimba ngasi muguma enjira yâge, ngasi muguma anakalonza obunguke bwâge:

Yeremiya 23:14

Ebinabwîne emwa abalêbi ba Yeruzalemu, byôhe bya kushologosa: obugonyi, okusêza obunywesi, okurhabâla enkola-maligo mpu hakanajira owarhenga omu bubî bwâge. Omu masù gâni boshi kwo bali aka Sodomo, n’abayûbakamwo kwo bali aka Gomora.

Yeremiya 23:17

badwîrhe babwîra abangayaguza: mpu «Nyakasane anadesire: mwabona omurhûla» n’abakulikira obulala bw’omurhima gwâbo, mpu «murhajekwo akabî».

Ezekiyeli 13:20

Co cirhumire aderha ntyâla Nyakasane Nyamubâho, erhi: Loli oku nâni nkolaga narhabâlira rhulyâla rhutambara rhwinyu mukaz’igwârhamwo amaroho nka kula banagwârhira rhunyunyi oku murhego. Nabusharhangulira omu maboko ginyu, ndikûze agôla maroho mulonza okugwârhira omu murhego nka rhunyunyi.

Ezekiyeli 13:22

Ebwa kubà munakaz’ilibuza omurhima gw’omushinganyanya erhi bunywesi bwinyu burhuma, n’obwôla niono ntabalibuza, kandi ebwa kubà munakaziha omubî emisî na ntyo arhacihash’irhenge omu mabî gâge, lyo alama,

Ezekiyeli 20:39

Ewani w’oyu, mulala gw’Israheli! Ntya kwo adesire Nyakasane Nyamubâho: Ngasi muguma ajag’ikolera abazimu bâge, ci enyuma mbabwizire okuli oku mwâcinyumva. Murhâciyishikazihemule izîno litagatîfu lyâni n’entûlo zinyu n’abazimu binyu.

Ezekiyeli 22:25

oli cihugo eci abaluzi ba muli cwo bali nka ntale yajà yalumba nk’ekola yashanshanyula omunyama gwâyo. Bashanyagwîre abantu, barhôla obugale, enjuma, baluza n’abakana omu karhî kâco.

Ezekiyeli 22:26

Abadâhwa bâco bavunyire irhegeko lyâni, bahemwîre ahantu hâni hatagatîfu, emwâbo akantu karherekîrwe n’akarharherekêragwa byoshi byo na biguma, barhanayigîrizagya abantu oku bankamanya akantu kinjà n’akabî, bayegwîre amasù oku nsiku zâni za Sabato, nanabonêsibwa nshonyi ekarhî kâbo.

Ezekiyeli 22:27

Abarhambo b’ecôla cihugo, omu karhî k’olugo kwo bali nka rhubwa rhw’emuzirhu rhuli rhwashanshanyagula omunyama gwâbo, ababulaza omu­ko, abayîrha abantu lyo bazimba ebirugu byâbo.

Mikeyo 3:11

Abarhambo bamwo barhatwa lubanja buzira kuhongerwa, abajinji bamwo barhayigîriza buzira kuhâbwa luhembo; abalêbi bamwo balêbere ensaranga. Kurharhuma barhashegema Nyamuzinda bakaziderha mpu: «Ka Nyamuzinda arhali ekarhî kîrhu? Obuhanya burharhurhindekwo!»

Mikeyo 3:5

Ntya kwo Nyakasane aderhîre abalêbi bahabula olubaga lwâni: nka hali eci bavubasire banakaziyakûza mpu: «murhûla»! Ngasi muntu orhabahiri ebi balya banamubwîre, mpu: «Wâhya, entambala nyimâna eno.»

Malakiya 1:10

Kwo kukulu muguma mulimwe ayigale enyumvi z’aka-Nyamuzinda. Lyo murhacigendikâtwanira omuliro gw’obushabusha oku luhêrero lwâni. Bulya ntà makwânane njira g’okummubona, n’enterekêro zinyu muntûla zirhansimîsa, kwo ndesire, nie Nyakasane w’Emirhwe.

Barom 14:15

Erhi wankalêrhera mwene winyu oburhè erhi biryo birhuma, erhi orhacishimbiri enjira y’obuzigire. Mâshi omanye wankarhuma mwene winyu Kristu afîraga ahera erhi biryo byâwe birhuma!

Barom 16:18

Bulya abantu ba bene abo barhakolera Nnawîrhu Kristu; ci enda zâbo; kandi n’enderho zâbo nnunu-nnunu n’ez’obulimirizi, banarhebe emirhima y’abarhabâmwo bulyâlya.

1 Bakorinti 8:11

Na ntyo obwenge bwâwe bwanarhuma oyo muzamba ahera, oyo mwene wîrhu Kristu afîraga!

1 Petro 5:2

Muyâbule obusò bwa Nyamuzinda mwahizirwemwo, arhali nk’abasêzîbwe, ci n’omurhima gwinyu gwoshi, nk’oku Nyamuzinda alonzize, arhali omu kulonza obunguke bubî, ci n’omurhima nkana.

1 Samweli 9:7

Saulu anacidôsa olya mwambali wâbo, erhi: «Rhukayija, bicigi rhudwîrhe rhwagendimuhà oyôla muntu wa Nnâmahanga; bicigi obwîne rhugwêrhe.»