Ezekiyeli 12:6 - BIBLIYA NTAGATIFU OMU MASHI

⁶ Embere zâbo obarhule omuzigo gwâwe, oguhire aha lu­rhugo, ogende omu mwizimya; ocibwîke obusù ly’olek’ijawabona ecihugo, ebwa kubà nâmakujira lwîganyo oku mulala gw’Israheli.

Ezekiyeli 12:6 ပူးပေါင်းရင်းမြစ်များ

2 Samweli 15:30

Daudi anacisôka ehirhondo hy’e Mizêti erhi anayisha avugumula emirenge n’irhwe libwîke n’amagulu garhalimwo nkwêrho kuguma n’abantu bali bo­ shi naye nabo bayishaga bagenda n’irhwe libwîke banajà bavugumula emirenge.

2 Bâm 7:5

Gali mango ga ciremba-bajà, bakanya bajà ebwa cihando c’abantu b’e Sîriya, banacihika oku burhambi bw’ecôla cihando c’abantu b’e Sîriya. Barhabonagamwo omuntu.

Ayubu 24:17

Bulya kuli abo, sêzi gwo mango obudufu burhangira, ebwa kubà bayishi ebiyôbohwa omu bulangashane.

Izaya 8:18

Niono n’abâna Nyakasane ampâga, rhuli bimanyîso na birhangâzo omu Israheli, byarhenga emwa Nyakasane Nyamuzinda w’Emirhwe ojira e­ndâro yâge oku ntondo ya Siyoni.

Ezekiyeli 12:13

“Nâmurhenza, agwârhwe omu kasira kâni; nâmuhêka e Babiloni, omu cihugo c’Abanya-Kaldeya. Ci konene arhacibone, ciru yo anafîra”.

Ezekiyeli 12:5

Embere zâbo ojire omurhule omu lukûta, onagerere muli gwo.

Ezekiyeli 24:24

“Yehezekiyeli abà cimanyîso kuli mwe. Mwayishijira nk’oku anajiraga. Na hano okwôla kubà lyo mwâmanya oku nie Nyamubâho”».

Ezekiyeli 4:3

Okubundi, wanayanka olukalangiro lw’ecûma, lubè nka lwo luyûbasirwe ekarhî kawe n’olugo. Wânayêrekera emunda luli, wânalugorha, loshi oluzonge. Cimanyîso ecôla oku mulala gw’Israheli.

Zakariya 3:8

«Yumvagya wâni Yozwè, weri mudâhwa mukulu, muyumve ninyu, mwe bâbo badâhwa, mwe muli cimanyîso c’obucire bwâyisha. Nkola nayêrekana omurhumisi wâni, izîno lyâge ye Muzî Mumerêrera.

1 Samweli 28:8

Saulu agoshôla ayijà, ci bwifulikwè, erhi ahogwire emyambalo yâge aliyambîrhe, ayamhala yindiyindi, bambali bâge babirhi banacimulusa bahika budufu aha mw’olya mukazi. Saulu anacimubwîra, erhi: «Mâshi onyôlere ensambwe, nkuyôlere emihigo onanzûkize oyu nankakakubwîra».