Ezekiyeli 12:3 - BIBLIYA NTAGATIFU OMU MASHI

³ Ojage ahôla wâni mwene omuntu, ocîshanire omuzigo gw’omuntu mukâge, obunge mâshi erhi banabona. Obunge orhenge ahôla oyûbasire ojè handi, erhi banadwîrhe basinza. Nkaba bamanyiraho oku linali iburha lya bagoma.

Ezekiyeli 12:3 ပူးပေါင်းရင်းမြစ်များ

Ennanga 81:13

Okwo, kwarhuma nabahanira obudârhi bw’omurhima gwâbo, nti bashenye ezi bâgala.

Yeremiya 10:17

Oshane ebyâwe, orhenge mw’eci cihugo wâni we mugorhe!

Yeremiya 26:3

Ahâli nkaba lêro bayumva, na ngasi muguma arhenge omu njira yâge ngalu-galu; ago mango nâni nanacîyûnjuza obuhanya ndwîrhe nagerêreza nti mbahanemwo oku bubî bw’ebijiro byâbo.

Yeremiya 27:2

Nyamubâho ambwîra ntya: Erhi ohunge emigozi oshane n’omucîmba onabihire oku cikanyi câwe.

Yeremiya 36:3

“Ahâli nkaba ab’omu nyumpa ya Yûda, omu kuyumva akal’ibala mpizire okubakolera, bagaluka barhenge ngasi muguma omu njira yâge ngalugalu: ago mango nânababalira amaligo n’ebyâha byâbo”».

Yeremiya 36:7

“Ahâli nkaba bayêrekeza Nyakasane amingingo gâbo banagaluke barhenge ngasi muguma omu njira yâge ngalugalu, bulya oburhè n’omutula Nyakasane abahigire nago guli munji”».

Yeremiya 7:26

Ci barhanyumvagya, barhaderhaga mpu barhega okurhwiri, bacîbêra ba cikanyi-cirhagomba, bàbîha barhalusa b’îshe.

Ezekiyeli 12:7

Nanacijira nk’oku nali ntegesirwe, nanacishana ebikunga byâni nka mukage mâshi, erhi kubà bijingo, n’amaboko gâni najira omurhule omu lukûta nanacihuluka omu mwizimya, naheba omuzigo gwâni aha lurhugo erhi bâna­bona.

Ezekiyeli 3:26

Olulimi lwâwe nalugobekera ebiraka, wâbà kaduma, waleka okukazibarhonda, bulya liri iburha lya bagoma.

Ezekiyeli 3:27

Na, amango nânakudese, nânashub’ikuyîgula akanwa, wanababwîra, erhi: Ntya kwo Nyakasane Nyamubâho adesire: Ngasi yêshi walonza okuyumva, ayumve na ngasi yêshi orhalonza okuyumva, aleke, bulya bacîbêra iburha lya bagoma.»

Ezekiyeli 33:11

Ogend’ibà­bwîra oku: Ndahîre obuzîne bwâni! Kwo adesire Nyakasane Nyamubâho, erhi: Ntalonza nti omunyabyâha aherêrekere, ci nti omunyabyâha aleke enjira yâge mbî analame. Mugomôke, mugomôke, muleke enjira mbî! Cici carhuma walekifà, wâni mulala gwa bene Israheli?

Ezekiyeli 43:11

Bakâgaya oku bajizire, onabayigîrize kurhi eyôla nyumpa eyôsire, obabwîrize kurhi eyôla nyumpa yayûbasirwe, olunda eyêrekîre, ngahi bagerera nka bajamwo na nka bahulukamwo, oburhegesi bwâyo, engeso zâyo, oku ba­gwâsirwe oku bâkazikolamwo n’oburhegesi bw’oku bâkazikolamwo».

Luka 13:34

«Yeruzalemu, Yeruzalemu! Obu oniga abalêbi n’okubanda entumwa bakurhumirwe amabuye, kanga nalonzize okukumakuma abâna bâwe nka ku­lya engoko eyûbarhira abanangoko bâyo omu byûbi… orhanalonzagya!

Luka 20:13

“Nn’olukoma acîj’emurhima, erhi”: “Kurhi najira?” “Narhuma mugala wâni ntonya bwenêne; nkaba yeki bakenga”».

Lushika 32:29

Nka bali bantu barhimanya bakanayumvîrhe, bakanabwîne bwinjà kurhi bazinda bali.

Lushika 5:29

Omurhima gwâbo gurhankarhangiyôrha guli ntyôla: gukazinkenga gunashimbe amarhegeko gâni lyo babona amasîma garhahwa, bône haguma n’abâna bâbo.

2 Timoteyo 2:25

Kukwânîne ahanûle abashombanyi bâge n’obutûdu, bulya kwankanabà Nyamuzinda abahà okucîyunjuza, okumanya okuli