Ezekiyeli 12:16 - BIBLIYA NTAGATIFU OMU MASHI

¹⁶ “Ci naleka baguma muli bo bafù­lumuke engôrho, bashugunuke ecizombo n’ecihûsi lyo bahash’iyish’ikazisha­mbâla agôla mabî gâbo emwa agôla mashanja bâja emwâbo, lyo nago gamanya oku nie Nyamubâho”».

Ezekiyeli 12:16 ပူးပေါင်းရင်းမြစ်များ

Murhondêro 13:16

Iburha lyâwe najira hyôloloke liluge nka katulo k’okw’idaho: owakahash’iganja emogomogo z’akatulo k’okw’idaho ye wanahash’iganja iburha lyâwe.

Ennanga 59:12

Obanigûze mâshi Nnâmahanga, bankanashubîrira babè bo bakoler’olubaga lwâwe buligo, obashandâze n’emisî yâwe obahire okw’idaho, Nyamwagirwa we mpenzi yîrhu.

Izaya 1:9

“Acibiga Nyakasane Nyamuzinda w’Emirhwe arhali arhulekîre amâhûngà g’emisigala, rhwankabîre aka Sodomo rhunashushe Gomora”».

Izaya 10:19

Emisigala y’emirhi y’omu muzirhu gwâge yâbà minyi bwenêne, ciru n’omwâna anahash’iyiganja.

Izaya 10:22

Nêci, ciru olubaga lwâwe lucibâga lunji nka mushenyi gw’omu nyanja, wâni Israheli, mâhunga gâgaluka. Okuherêrekera kwalalîrwe, obushinganyanya bwâshimba enjira yabwo.

Izaya 24:13

Nêci, okwâbà omu mashanja ga hano igulu, kwâyîsh’ibà nka kula owajà atwa amashami g’amalehe g’omuzêti, nka kula owajà ahumbûza emizâbîbu bamâyûs’isârûla.

Izaya 6:13

N’erhi hankasigala cihimbi ciguma ca kali ikumi, nabo bânahungumuka! Ci nka kula omutudu n’omuhumbahumba bikatûbwa, ecigundu cinasigale, ntyo kwo ecigundu câyîsh’ibà mburho ntagatîfu.»

Yeremiya 30:11

“Ndi haguma nâwe nti nkucize, kwo Nyakasane adesire, hano mmalîra amashanja goshi nali kushandabanyizemwo, wêhe wêne ntaherêre­ keze. Cikwône nâkuhana nk’oku bishingânîne. Ntankakujirira nka kuno oli mwêru-kwêru, ciru akabà!”

Yeremiya 4:27

Nêci, kwo adesire ntya Nyamubâho: Ecihugo coshi câshâbwa, coshi nâcilambika.

Ezekiyeli 12:15

“Ntyo bamanya oku nie na ndi Nyamubâho, hano mbahêka omu mashanja nnangalibashandabanya omu bihugo b’ihanga”.

Ezekiyeli 12:17

Akanwa ka Nyamubâho kanacintindakwo muli ebîra binwa, erhi:

Ezekiyeli 14:21

Ntyâla kwo adesire Nyakasane Nyamubâho: «Ciru erhi nankarhôla galya mahanya gâni anni g’okujugumya, engôrho, ecizombo, ebiryanyi n’ecihûsi, nka bihonda kuli Yeruzalemu, lyo mpezamwo ebintu n’abantu,

Ezekiyeli 36:20

Erhi bakola bali emwa agôla mashanja, bashubihemula izîno lyâni litagatîfu, bulya bamâkaz’ibaderhera mpu: «Lwo lubà­ga lwa Nyamubâho olu, n’omu cihugo câge lwarhenga».

Ezekiyeli 36:31

Mwâkaz’ikcengêra enjira zinyu mbî, n’ebijiro binyu bigalugalu mushologorhwe erhi bubî bwinyu burhuma n’amagalugalu ginyu.

Ezekiyeli 7:15

Engôrho eri embuga, ecihûsi n’ecizombo nabyo biri omu ndalâlà. Erhi ankabà hali oli omu ishwa, oyôla ananigwe n’engôrho, na ngasi yêshi oli omu lugo, ecizombo n’ecihûsi byânamumalîra.

Mateyo 24:22

Acibâga ezo nsiku zirhali zinyihîbwe, ntà muntu wankacizire; ci abîshogwa bàrhuma, ezo nsiku zanyihibwa.

Mateyo 7:14

Ci olusò lufunda n’enjira efundîre yo ehêka ebwa Buzîne, na banyi bayibona.

Barom 9:27

Naye Izaya aderhîre Israheli, erhi: ciru bene-Israheli bankaluga nka mushenyi gw’omu nyanja, obusigale bwône bwânacizibwe;