Ezekiyeli 11:16 - BIBLIYA NTAGATIFU OMU MASHI

¹⁶ Co carhuma ogend’iderha ntyâla, erhi: Ntyâla kwo amâderha Nyakasane Nyamubâho, erhi: Nêci nabahesire kulî omu mashanja, nabashandabinye omu bihugo b’ihanga, nanabà kulî bwo lwâkiro mango masungunu eyôla munda bâli bajire.

Ezekiyeli 11:16 ပူးပေါင်းရင်းမြစ်များ

Ennanga 31:20

Yâgirwa obwinjà bwâwe buluga mushâna! Burhaluga obwinjà obîkira abakukenga wâni! Burhaluga obwinjà oshobôza abakuyâkiraho n’abandi basinza wâni!

Ennanga 44:11

We warhumire rhwayâka ababisha, kwarhuma abashombanyi barhushokôla barhama.

Ennanga 90:1

Musengero. Gwa Mûsa. Mwambali wa Nnâmahanga. Nyamwagirwa oyôrha ôbà lwâkiro lwîrhu kurhenga abantu baburhwa.

Ennanga 91:1

We yimangirwe n’ow’enyanya, we bêra omu cizunguzungu c’Ogala-byoshi

Migani 18:10

Izîno lya Nyakasane ye: Nkingi-nzibu. mwo omushinganyanya ayâkira barhanacimuhikekwo.

Izaya 4:5

Nyamuzinda ahira oku ntondo ya Siyoni na kuli ngasi boshi bakubugânana ecitù mûshi, n’omugî gwalangashana nka muliro budufu; bulya irenge lya Nyakasane lyâbwîkira byoshi;

Izaya 8:14

“Ye wâbà luhêro, ibuye ly’okusârhaza na lwâla lw’okuhirimya enyumpa ibirhi z’Israheli; âbà mugozi na murhego oku bantu b’e Yeruzalemu.”.

Yeremiya 26:11

Oku bundi abadâhwa n’abalêbi babwîra abarhwâli n’olubaga lwoshi erhi «lufù anakwânîne oyu muntu, bulyâla kubî alêbire olugo, nk’oku mwanayumvîrhe n’aginyu marhwiri».

Yeremiya 26:7

Abadâhwa, abalêbi n’olubaga lwoshi bayumva oku Yeremiyahu aderha ebyo binwa omu ka-Nyamuzinda.

Yeremiya 29:11

“Bulya nâni niene mmanyire enkengêro ngwêrhe kuli mwe, kanwa ka Nyakasane, nkengêro za murhûla ci zirhali za buhanya, za kumushobôza oku­hwa rnudwîrhe mwacîfinja kw’ebi”.

Yeremiya 29:7

“Olugo namululizagyamwo, mululongeze omurhûla mulusengerere emunda Nyakasane ali”.

Yeremiya 30:11

“Ndi haguma nâwe nti nkucize, kwo Nyakasane adesire, hano mmalîra amashanja goshi nali kushandabanyizemwo, wêhe wêne ntaherêre­ keze. Cikwône nâkuhana nk’oku bishingânîne. Ntankakujirira nka kuno oli mwêru-kwêru, ciru akabà!”

Yeremiya 31:10

Mwe bihugo by’e mahanga, yumvi akanwa ka Nyakasane! Munakayâlize oku birhwa biri kulî; mukaziderha erhi: «Nyakasane alirhanziri shandâza Israheli, lêro amâshubimukumakuma erhi àmushîbirira nka kula lungere ashîbirira ebibuzi byâge.

Yeremiya 42:11

Murhayôbohaga oyu mwâmi w’e Babiloni murhinyire murhamuyôbohaga, ye kudesire Nyakasane, bulya ndi haguma ninyu nti mmucize nnâmulikûze omu nfune zâge.

Ezekiyeli 20:23

Ci kône kandi nabala­mbulirakwo okuboko, omwôl’irungu, omu kuhiga nti nkola nâbashandabanya omwôla irungu bajè emwa amashanja, bashandabane omu bihugo b’ihanga.

Ben Levi 26:44

Cikwône arhali hoshi aho: amango babà bakola bali omu cihugo c’abashombanyi bâbo, ntabakabulire lwoshi, barhananshologose mpu kuhika mbaherêrekeze, mpu kurhume nayîrha eciragâne najiraga nabo, bulya nie Nyakasane, Nyamuzinda wâbo.

Zakariya 2:6

Namudôsa, nti: «Ngahi wajà?» Anshuza, erhi: «E Yeruzalemu, nagend’igèra obulî n’obugali bwâyo.»

Lushika 4:27

Nyamubâho àmushandabanya omu mashanja n’abâsigala muli mwe barhabè banga. Omu karhî k’amashanja emunda Nyamubâho amulukîriza.