Ezekiyeli 10:8 - BIBLIYA NTAGATIFU OMU MASHI

⁸ Ago mango nabona oku bakerûbi bâli bagwêrhe agali nka maboko idako ly’ebyûbi byâbo.

Ezekiyeli 10:8 ပူးပေါင်းရင်းမြစ်များ

Izaya 6:6

Okuhandi muguma wa muli balya Baserafi ayisha abalalira emunda ndi, erhi afumbasire isèsè adahulaga n’orhugondôzo oku muliro g’oku luhêro.

Ezekiyeli 1:8

Amaboko gàli nka ga muntu, gali ah’idako ly’ebyûbi byâzo, ganali gayêrekîre ebwa mpande ini z’igulu, n’amalanga gâzo n’ebyûbi byâzo okuziri ini kwo na kwo.

Ezekiyeli 10:21

Ngasi muguma àli agwêrhe malanga anni na byûbi binni n’ebiri nka maboko ga muntu idako ly’ebyûbi.

Ezekiyeli 10:7

Kerûbi alambulira okuboko ebwa muliro gwàli aha karhî ka bakerûbi, agudahula ahira omu maboko g’olya muntu wali oyambîrhe ebyêru. Oyôla muntu agurhôla anahuluka.

Ezekiyeli 10:9

Nanacilolêreza: Hàli mizizi ini aha burhambi bwa bakerûbi, ngasi muzizi aha burhambi bwa kerûbi muguma, n’eyôla mizizi yakazâg’ilangashana nk’ibuye lya lubula.