Ezekiyeli 10:22 - BIBLIYA NTAGATIFU OMU MASHI

²² Amalanga gâbo gàli gashushîne n’amalanga nabonaga hôfi n’olwîshi Kebari. Ngasi muguma akazâg’ijà alola embere zâge yonene.

Ezekiyeli 10:22 ပူးပေါင်းရင်းမြစ်များ

Ezekiyeli 1:1

Omu mwâka gwa makumi asharhu, omu mwêzi gwa kani, omu nsiku irhanu z’omwêzi, erhi ndi ekarhî k’abalulize, oku burhambi bw’olwîshi Kebari, amalunga ganaciyiguka, nabona amalêbi garhenga emwa Nyamuzinda.

Ezekiyeli 1:10

Enshusho y’amalanga yazo yali nshusho y’amalanga ga muntu. Zoshi oku ziri ini zàli zigwêrhe amalanga gali nka ga ntale, ebwa kulyo; zoshi oku ziri ini zàli zigwêrhe amalanga gali nka ga mpanzi, ebwa kumosho; zoshi oku ziri ini zàli zigwêrhe amalanga gali nka ga nyunda.

Ezekiyeli 1:12

Zakazâg’ijà zagenda ngasi nguma embere yayo. Zajaga zajà zinahesirwe na mûka, zirhanajaga zahindamuka erhi zajaga zagenda.

Ezekiyeli 1:9

Ebyûbi byâzo byàli bilungîne ngasi ciguma oku câbo. Zirhakazâg’ihindamuka erhi zabâga zagenda, ci ngasi nguma yakag’ijà embere yayo.

Ezekiyeli 10:11

Amango yakazâg’igenda, yakazâg’ijà ebwa mpande inni, yakazâg’ijà embere ci erhankahindamusire omu kugenda ebwa kubà yakazâg’ijà olunda irhwe linayêrekire.

Ezekiyeli 10:21

Ngasi muguma àli agwêrhe malanga anni na byûbi binni n’ebiri nka maboko ga muntu idako ly’ebyûbi.

Ezekiyeli 11:1

Mûka anyîmukana, ampêka aha muhango guli ebuzûka-zûba bw’aka­ Nyamuzinda, gwo muhango guyêrekîre ebwa buzûka-zûba. Nalola oku aha c’olusò c’ogwôla muhango hàli balume makumi abirhi na barhanu, na muli bo nabona Yazanya mugala wa Azuru na Pelatiyahu mugala wa Benayahu, murhambo w’olubaga.

Ezekiyeli 43:3

Enshusho nabwîne yali nk’erya nabonaga erhi nyisha ndi nashandâza olugo: nshusho eri nk’eyi nabonaga hôfi n’olwîshi lwa Kebari, nanacikumba bûbi.

Hozeya 14:9

Efrayimu, lushangi luci ociri mwe n’abazimu? Ndwîrhe nâmuyumvi­rhiza nânamulola. Kwo ndi nka nshebeyi enagîrîre, nie ntumire wâyêrakwo amalehe.