Ezekiyeli 10:17 - BIBLIYA NTAGATIFU OMU MASHI

¹⁷ Erhi bayîmangaga nayo enayîmange, erhi bayîmukaga, nayo enayimuke boshi nabo ebwa kubà mûka w’erya nsimba àli muliyo. Irenge lya Nyamubâho lyarhenga omu ka-Nyamuzinda

Ezekiyeli 10:17 ပူးပေါင်းရင်းမြစ်များ

Murhondêro 2:7

Nyakasane Nyamuzinda abumba omuntu n’akatulo k’oku idaho, amubûhira omûka gw’obuzîne omu mazûlu, ntyo nyamutu ahinduka ciremwa cizîne.

Ezekiyeli 1:12

Zakazâg’ijà zagenda ngasi nguma embere yayo. Zajaga zajà zinahesirwe na mûka, zirhanajaga zahindamuka erhi zajaga zagenda.

Ezekiyeli 1:5

Omu kâgarhî nanacibonamwo ebiri nka nsimba ini. Enshusho yazo kwo yali nka ya bantu.

Ezekiyeli 10:16

Erhi bakerûbi bàgendaga bajà embere, nayo eyôla mizizi enaje embere aha burhambi bwâbo, erhi bamalahika bashanjûlaga cebyûbi bàbalala, eyôla mizizi erhankahindamusire ciru.

Ezekiyeli 3:13

Olwôla lubî lwàli lwa byûbi bya zirya nsimba byayishaga byakubakubira ngasi ciguma ebwa cindi; lwàli lubî lw’erya mizizi yali âha burhambi bwâzo, na lubî lwa cihôgêro.

Barom 8:2

Bulya irhegeko ly’Omûka guhâna obuzîne muli Yezu Kristu lyakulîkûzize oku irhegeko ly’ecâha n’ery’olufù.

Mafulûlo 11:11

Ci erhi zirya nsiku isharhu n’ecihimbi zigera, Nyamuzinda abahiramwo omûka gw’obuzîne; banaciyîmanga, n’abakâg’ikabasinza barhungwa n’obwôba.