Esteri 9:22 - BIBLIYA NTAGATIFU OMU MASHI

²² n’okushagaluka muli ezôla nsiku bulya ziri nsiku bahimagamwo abashombanyi bâbo, gwo mwêzi amalumwa gâbo gahindukaga masîma, gwo mango ensiku z’emishîbo zahindukaga nsiku nkulu. Ezôla nsiku nkulu zibè nsiku za busîme ezi ngasi muguma akarhumiramwo bene wâbo enshololo n’okuhâna oluhembo lusungunu oku bakenyi.

Esteri 9:22 ပူးပေါင်းရင်းမြစ်များ

Esteri 9:19

Co cirhuma Abayahudi b’omu lugo bajira olwâbo lusiku lw’okushagaluka omu nsiku ikumi n’inni z’omwêzi gwa Adari, lwo lubà lusiku lukulu lwâbo lw’okucîshinga, lusiku lwa kusîma, na muli olwôla lusiku ngasi Muyahudi anarhumire omulungu wâge nshololo nsungunu. 19 (a) Ci Abayahudi b’omu burungu bashagaluka banahâna enshololo emw’abalungu bâbo omu nsiku ikumi n’inni z’omwêzi gw’Adari.

Esteri 9:21

Abasêza okukuza olusiku lukulu lw’omu nsiku ikumi n’inni na ikumi n’irhanu z’omwêzi gwa Adari;

Esteri 9:23

Abayahudi bakujira nkômedu okwôla barhangira olwo lusiku n’okwôla Mardokeyo abayandikiraga.

Ennanga 103:2

Murhima gwâni, kuza Nyamuzinda, ntà nshobôlo yâge oyibagirage.

Ennanga 149:7

Y’okucîhôla amashanja, n’okuhana emirhwe

Ennanga 30:11

Yâgirwa onyumve onambabalire, obè mufungizi wâni, Muciza w’abantu.

Ennanga 30:12

Omulenge nàlimwo waguhindwîre gwashuba masâmo; busunzu nali nyambîrhe wamushwêkûla wanyambika enshagadu.

Ennanga 37:15

Bône: engôrho yâbo yo yanabarhungûla emirhima, n’amatumu gâbo oku madwî gabavunikira.

Izaya 14:3

Olusiku Nyakasane akugalulira omuluhûko enyuma ly’amalumwa n’amalibuko n’obujà budârhi wàlimwo,

Zakariya 8:19

«Mmubwîzire nti okucîshalisa kw’omwêzi gwa karhanu, okw’ogwa kali nda n’okw’ogwa kal’ikumi, kurhenga ene kukola kwahinduka nsiku nkulu ziyunjwîre masîma n’omwîshingo oku lubaga lwa Yûda. Cikwône kulusha byoshi mulongereze okuli n’omurhûla.»

Mateyo 5:4

Iragi lyâbo abadwîrhe balaka, bulya bayish’irhûlirizibwa.

Luka 11:41

“Muhêreze abakenyi ebi mugwêrhe erhikwo, na ntyo byoshi byammubêra bicêse”.

Bagalasiya 2:10

Bakenyi bône barhubwîzire mpu rhurhayibagiraga; n’okwo kushîbirira nkushîbirira bwenêne.

Lushika 15:7

Erhi emwâwe yakaba eri omukenyi, muguma w’omu bene winyu, aha muhango gwâwe muguma, muli cirya cihugo Nyamubâho, Nyamuzinda akuhà, orhazidohagya omurhima gwâwe, orhanabumbaga enfune zâwe wamânabona mwene winyu w’obuligo,

Lushika 16:14

Ago mango wanacisîmîsa, mwena mugala wâwe na mwâli wâwe, mwambali na mwambalikazi wâwe, omuleviti n’ecigolo, enfunzi n’omukana, oku banali omu lugo lwâwe.

Lushika 16:15

Washinga miregerege nda wajirira Nyamubâho, Nyamuzinda wâwe olukulu, mwo cirya ciriba Nyakasane àcîshozire, kulya kubà Nyamubâho, Nyamuzinda wâwe akugisha obêrwe omu mirimo yâwe yoshi omu mikolo yâwe yoshi ly’oyunjula busîme.

Mafulûlo 11:10

Abantu b’en’igulu bâsîme obwo, bacîshingire okufà kwâbo, banashêgulane, bulyâla abo balêbi bombi bâli bamarhindibuza ab’en’igulu.

1 Samweli 25:8

Odôsagye abôla bambali bâwe bônene banakushambâlire bwinjà. Abâla bâna bâni kuziga obalole kwinjà, bulya rhwamayisha omu lusiku lukulu. Nsengîre, ohè abâla barhumisi bâwe kuguma na mugala wâwe Daudi ngasi ehi okuboko kwâwe kwankanabona».