Esteri 8:9 - BIBLIYA NTAGATIFU OMU MASHI

⁹ Abayandisi boshi ba mwâmi banacihamagalwa, omu nsiku makumi abirhi n’isharhu z’omwêzi gwa kasharhu, gwo guligi mwêzi gwa Siwâni; banaciyandika nka oku Mardokeyo anali arhegesire mpu bayandikire Abayahudi, abarhwâli, abarhambo bakulu, abarhambo b’ebihugo biri kurhenga e Buhindi kujà e Etiyopiya, byo bihugo igana na makumi abiri na nda, ngasi cihugo kulya banayandika mulico na ngasi lubaga kulya baderha omu lulimi lwâbo, n’oku Buyahudi omu mandiko n’omu lulimi lwâbo.

Esteri 8:9 ပူးပေါင်းရင်းမြစ်များ

2 Bâm 18:26

Eliyakimu, mugala wa Hilkiyahu, Shebuna na Yowahi babwîra omurhabâzi mukulu w’olugerêro lw’abalwî mpu: «We kasinga okazibwîra bambali bâwe omu lulimi lw’eciarameyo bulya kuyumva rhuluyumva, orhacikazigirhubwîra omu cihebraniya n’olu lubaga luli omu mbaraza lwayumva».

2 Nganîro 15:10

Babugânana aha Yeruzalemu omu mwêzi gwa kasharhu, gwa omwâka gwa kali ikumi na karhanu kurhenga Asa ali mwâmi.

Esteri 1:1

Esteri 10:1

Mwâmi Asuerusi arhegeka okuvurhîsa omu cihugo câge coshi n’omu ngasi bindi bihugo byanali omu nyanja.

Daniyeli 4:1

Niono Nabukondonozori, nabîre ntûlwîre omu mwâni erhi nanjagalire obugale omu bwâmi bwâni,

Daniyeli 6:1

Na Dariyusi w’e Mêdi ahâbwa obwâmi erhi agwêrhe myâka makumi gali ndarhu n’ibirhi y’okuburhwa.

Daniyeli 6:25

Oku irhegeko lya mwâmi banaciyisha ba­dwîrhe balya bantu bamubêsheraga banacibakwêba muli bulya bulumba bw’e­ntale boshi na bakâbo n’abâna bâbo. Barhalindaga bahika omu bulumba, e­ntale zirhabashimba, zabakugurha boshi orhuvuha.