Esteri 7:9 - BIBLIYA NTAGATIFU OMU MASHI

⁹ Harbona, muguma omu barhonyi ba mwâmi, aderha erhi na mwâmi anayumva mpu: «Sinza oku omurhi gwarheganyibagwa na Hamani mpu bamanikekwo Mardokeyo; olya muntu wayîshig’imanyîsa okwinja kuli mwâmi, guli mugwike omu mwa Hamani; guli gwa makoro arhanu!» Mwâmi anacishuza, erhi: «Abè yêne ye bamanika kwo!»

Esteri 7:9 ပူးပေါင်းရင်းမြစ်များ

2 Bâm 9:32

Anaciyinamula irhwe lyâge ebwa kabonezo, anaciderha erhi: «Rhweshi na ndi rhuli? Ndi?» Bambali babiri erhi basharhu bayûnamire emunda ali,

Esteri 5:14

Lêro mukâge Zereshi, kuguma na balya bîra hâge banacimushuza, mpu: «Orheng’igend’igwîkîsa omurhi gwa makoro makumi arhanu, n’irhondo sêzi ohûne mwâmi bamanikekwo Mardokeyo. Na ntyo wanagend’oshagulusire okwôla lusiku lukulu mweshi na mwâmi!» Elyôla ihano lyanacisimîsa bwenêne Hamani, anacijirisa ogwôla murhi.

Esteri 6:14

Oku banacidwîrhe bashambâla ntyôla abaganda ba mwâmi banaciyirukira bayisha bakola balirhola Hamani mpu ajè oku lusiku lukulu, Esteri arheganyize.

Esteri 6:2

Lêro banacishimâna ahayandisirwe kurhi Mardokeyo ajag’imanyîsa obulyâlya bwa Bigtani boshi na Tareshi bali barhonyi babirhi ba mwâmi, bo bakazâg’ilanga enyumpa ya mwâmi na ngasi byoshi byanabagamwo; bali balalîre okuyîrha mwâmi Asuerusi.

Esteri 8:7

Mwâmi Asuerusi anacibwîra omwâmikazi Esteri n’olya Muyahudi Mardokeyo, erhi: «Loli oku nahîre Esteri erya nyumpa ya Hamani, naye Hamani yêne amanikwa oku murhi ebwa kubà anali agwêrhe ogwôla muhigo mubî oku Buyahudi.

Esteri 9:14

Mwâmi anacirhegeka mpu bajire ntyôla, n’e ryo irhegeko lyanacimanyisibwa omu Suza mwoshi. Bamanika balya bâna ikumi ba Hamani.

Esteri 9:25

Ci kwônene erhi acija emunda mwâmi ali okugend’ihûna mpu Mardokeyo amanikwe mwâmi anacirhegeka mpu ogôla muhigo gw’okumalîra Abayahudi gugalukire Hamani, muntu mubî wagujiriraga Abayahudi, banacimumanika oku murhi, ye n’abagala.

Ennanga 141:10

Abo babî mâshi bagwe caligumiza omu mirhego badwîrhe barhega, oku nâcîfulumukira.

Ennanga 35:8

Bamorhogerwa n’olufù barhanalîliri wâni! Mâshi bagwe omu murhego bàrhegaga bône banagwe omu mwîna bampumbîre mâshi!

Ennanga 73:19

Kuziga barhimang’irhibuka wâni! Kuhirigirha bahirigirha bahêkwe n’ebihamba.

Daniyeli 6:24

Okubundi mwâmi ashagaluka yêshi yêshi erhi Daniyeli orhuma, anacirhegeka mpu bakûle Daniyeli mulya bulumba bw’entale. Banacikûla Daniyeli mulya bulumba, barhabonaga kuli ye ciru n’ecibande ciguma, ebwa kubà alicikubagire Nyamuzinda.

Daniyeli 6:7

Oku bundi abôla barhambo bakulu n’abôla bâbo banacijira ihano, banaci­ja emunda mwâmi ali, banacimubwîra mpu: Yâgirwa Mwâmi Dariusi, alarne ensiku zoshi.

1 Samweli 17:51

Akanya alibirha, ahamirakwo Goliyati, amuyômola engôrho e lûba, amunigûzamwo anamutwa irhwe.