Esteri 5:6 - BIBLIYA NTAGATIFU OMU MASHI

⁶ Erhi babà bakola badwîrhe banywa idivayi, mwâmi anacidôsa Esteri, erhi: «Mbwîra bici osengîre? Nakushobôza byo. Mbwîra bici walonza? Ka luhande lw’ecihugo câni? Waluhâbwa.»

Esteri 5:6 ပူးပေါင်းရင်းမြစ်များ

Nehemiya 2:4

Mwâmi anacinshuza, erhi: «Cici walonza okuhûna?» Nanacishenga Nyamuzinda w’e mpingu.

Esteri 5:3

Mwâmi anacimudôsa, erhi: «Bici bikugwêrhe, mwamikazi Esteri? Mbwîra bici walonza? Ciru akabà luhande ly’ecihugo câni nanakuhalwo.»

Esteri 5:7

Esteri anacishuza aderha, erhi: «Eci nsengîre n’eci nalonza:

Esteri 7:2

Kuli ogwôla mulegerege gwa kabirhi, erhi bahika oku mango g’okunywa idivayi, mwâmi anacidôsa Esteri, erhi: «Bici osengîre wâni mwamikazi Esteri? Wanabishobôla. Bici walonza? Ciru cankabà cigabi ca kabirhi c’obwâmi bwâni, wanakubona.»

Esteri 9:12

Mwâmi anacibwîra omwâmikazi Esteri, erhi: «Abayahudi bamayîrha munôla Suza omu karhwa-bwâmi bantu magana arhanu, na bene Hamani oku banali ikumi; ndi omanyire bici bakozire omu zindi mpande z’ecihugo ca mwâmi? Bici olonzize wanabihabwa, cici odwîrhe wacîfinja? Wanabijirirwa.»

Marko 6:23

Anacimubwîra n’endahiro, erhi: «Ngasi eci wankampûna, nakuhâco, ciru cankaba luhande lw’Obwâmi bwâni».