Esteri 3:12 - BIBLIYA NTAGATIFU OMU MASHI

¹² Abayahudi ba mwâmi banacihamagalwa omu mwêzi murhanzi, omu nsiku ikumi n’isharhu z’omwêzi, hanaciyandikira ngasi murhambo wa mwâmi, ngasi mugula na ngasi mukulu w’olubaga okwôla Hamani abarhegekaga, banakayandikira ngasi lubaga omu luderho lwâbo, kurhenga e Buhindi kuhika e Etiyopiya. Eryo irhegeko lyayandikwa oku izîno lya mwâmi Asuerusi banacihirakwo akashè hirya higondo hyâge.

Esteri 3:12 ပူးပေါင်းရင်းမြစ်များ

1 Bâm 21:8

Nyamukazi anaciyandika amaruba okw’izîno lya Ahabu, ahira kwo n’akashè ka mwâmi, arhuma agôla maruba emwa abarhambo n’abagula bali lugo luguma na Naboti.

Ezra 8:36

Banacimanyîsa galya marhegeko ga mwâmi, oku barhambo n’oku bandi bakulu banali ishiriza lya olwîshi; nabo banarhabâla olubaga kuli ako ka-Nyamuzinda.

Esteri 3:11

Mwâmi anacibwîra Hamani, erhi: «Ensaranga ezôla wamâhâbwa n’olwo lubaga kwo na kuguma, olujirire nka oku onabwîne kushingânîne».

Esteri 8:2

Mwâmi ali amahogola hilya higondo hyâge ali ayambisize Hamani, anacihiyambisa Mardokeyo nave Esteri anacihira Mardokeyo muli erya nvumpa ya Hamani.

Esteri 9:27

Abayahudi haguma n’iburha lyâbo n’abandi balonza okulungana nabo, bahiga n’obulonza boshi okukâkuza buzira kuyibagira ezo nsiku zombi. Lyabà irhegeko lya kukajirwa ngasi mwâka nka kulya amaruba gâbo ganali gadesire na nka kulya banatwaga ago mango.

Daniyeli 3:10

W’oyu Yâgirwa Mwâmi wahanyire eli irhegeko mpu ngasi muntu wânayumve izù ly’omushekera, ely’akarhêra, ely’olulanga, ely’enzenze, e­ly’elikembe, ely’ecinanda n’elya ngasi bindi bizihwa, agwâsirwe akumbe bûbi, aharâmye eyôla nsanamu y’amasholo.

Daniyeli 6:12

Oku bundi abôla bantu bashubijira ihano bajà bayunjayunja; banacibugana Daniyeli adwîrhe ashenga Nyamuzinda wâge.

Daniyeli 6:15

Mwâmi erhi ayumva ntyôla agaya bwenêne oku biyêrekîre Daniyeli, akazilonza oku ankamufumya, na kuhika izûba lyalinda lizika erhi analonza okumufumya.

Daniyeli 6:25

Oku irhegeko lya mwâmi banaciyisha ba­dwîrhe balya bantu bamubêsheraga banacibakwêba muli bulya bulumba bw’e­ntale boshi na bakâbo n’abâna bâbo. Barhalindaga bahika omu bulumba, e­ntale zirhabashimba, zabakugurha boshi orhuvuha.

Daniyeli 6:8

Abarhambo b’omu bwâmi bwâwe, abaganda, abarhambo b’emirhundu, abahanûzi n’abandi barhegesi b’olubaga bàjîre ihano bayumva­nya oku kukwânîne mwâmi ajire irhegeko lidesire oku: Ngasi yêshi wankashenga owundi nyamuzinda erhi owundi muntu okuleka we, yâgirwa mwâmi, anagendikwêbwa omu bulumba bw’entale.