Esteri 2:18 - BIBLIYA NTAGATIFU OMU MASHI

¹⁸ Mwâmi anacijira olusiku lukulu bwenêne oku barhambo n’oku barhumisi bâge boshi lyo lyàli idinye lya Esteri, amarhambo gâge goshi gahumûka, na mwâmi anacivangulira binjà binji oku bantu b’omu bwâmi bwâge boshi. Mardokeyo na Hamani

Esteri 2:18 ပူးပေါင်းရင်းမြစ်များ

Murhondêro 29:22

Labani ashûbûza abantu b’eyo boshi ajirisa olusiku lukulu.

Nehemiya 8:11

Abaleviti bakarhûliriza olubaga omu kulubwîra, mpu: «Muhuluke bulya olu lusiku luli lutagatîfu, murhacîlibuzagya».

Esteri 9:22

n’okushagaluka muli ezôla nsiku bulya ziri nsiku bahimagamwo abashombanyi bâbo, gwo mwêzi amalumwa gâbo gahindukaga masîma, gwo mango ensiku z’emishîbo zahindukaga nsiku nkulu. Ezôla nsiku nkulu zibè nsiku za busîme ezi ngasi muguma akarhumiramwo bene wâbo enshololo n’okuhâna oluhembo lusungunu oku bakenyi.

Lwimbo 3:11

Mwe banyere b’e Siyoni mukanye mubone: Mwâmi Salomoni ayambîrhe ishungwè nnina amuyambikaga olusiku lw’obuhya bwâge, olusiku lw’obusîme bw’omurhima gwâge.

Lwimbo 5:1

Namâjà omu busâne bwâni, wâni mwâli wîrhu, mukazi wâni; nkola ndwîrhe nahumbûla obukù bwâni n’amashahi gâni, ndwîrhe nalya omuke gwâni n’obûci bwâni, ndwîrhe nanywa idivayi lyâni n’amarhà gâni. Cinyweri bîra bâni, munywe mulaluke, barhonyi bâni.

Mateyo 22:2

Obwâmi bw’empingu bwanagererwa oku mwâmi wajiraga olusiku lukulu lw’obuhya bw’omugala.

Marko 6:21

Lêro olusiku alingaga lwanaciyisha: lwo lusiku lukulu lw’okuburhwa kwa Herodi. anacijira idinye, alâlika abarhambo bâge, abakulu b’abasirika n’abashamuka b’e Galileya.

Luka 14:8

«Nka oli mulâlike oku buhya, orhahîra mpu ocidêkereze oku ntebe ntanzi, bulya erhi omukengwa kukulusha ankayisha anali mulâlike naye,

Mafulûlo 11:10

Abantu b’en’igulu bâsîme obwo, bacîshingire okufà kwâbo, banashêgulane, bulyâla abo balêbi bombi bâli bamarhindibuza ab’en’igulu.

Mafulûlo 19:9

Malahika anacimbwîra, erhi: «Yandika: Iragi lyâbo abahamagîrwe mpu baj’irya oku buhya bw’Omwâna-buzi!» Ashub’imbwîra, erhi: «Ebyo binwa biri bya Nyamuzinda, birhali bya bunywesi».

1 Samweli 25:8

Odôsagye abôla bambali bâwe bônene banakushambâlire bwinjà. Abâla bâna bâni kuziga obalole kwinjà, bulya rhwamayisha omu lusiku lukulu. Nsengîre, ohè abâla barhumisi bâwe kuguma na mugala wâwe Daudi ngasi ehi okuboko kwâwe kwankanabona».