Esteri 2:12 - BIBLIYA NTAGATIFU OMU MASHI

¹² Ngasi mwânanyere aligwêrhe akâge kasanzi k’okuj’emunda mwâmi Asuerusi ali, n’irhegeko ly’abakazi lyàli lihunyire myêzi ikumi n’ibirhi. Agôla mango goshi g’amarheganyo gali gagabirwe ntyâla: omu myêzi ndarhu, bali ba gwâsirwe okukaz’icîshîga amavurha g’obukù; n’omu yindi myêzi ndarhu, bakaz’icîshîga amanukato na ngasi mugavu omukazi akomerera okucîshîga ly’alanga bwinjà iranga lyâge.

Esteri 2:12 ပူးပေါင်းရင်းမြစ်များ

Esteri 2:11

Ngasi lusiku Mardokeyo akazâg’iyîsh’icîgezageza ahôla côgo c’abakazi mpu ayumve emyanzi ya Esteri n’oku amagala gâge gayôsire.

Esteri 2:13

Bakola bajà emunda mwâmi ali, ngasi mwâna nyere ankahashire okuhûna ngasi ebi analonzize, banamuhebyo anabigendana akola arhenga omwôla côgo ajà emunda mwâmi ali.

Esteri 2:3

Mpu mwâmi ajire omurhwe gw’abantu bajà bashûbûza omu bihugo byâge byoshi balya bananyere banali binjà na babikira, boshi babashûbûlize aha Suza omu côgo ciguma oku burhegesi bwa Hegeyi, nshâgi ya mwâmi, olya olanga bakà-mwâmi boshi. Oyûla abahà ngasi ebi banalagîrîrekwo okw’iranga lyâbo,

Esteri 2:9

Oyo mwânanyere anacimusîmîsa bwenêne, amurhonya. Anaciyumva asunisirwe oku murhima gwâge okumuhà ngasi ebi omukazi akanacirhonesamwo byoshi emw’ibà. Anacimuhêreza bambalikazi nda bacîshogagwa omwôla bwâmi, anacibahêka omu yagoyago nyumpa omwôla côgo.

Migani 7:17

Encingo yâni nayishahulîzekwo amavurha g’akisûnunu, amavurha ga alowesi na cinamomu.

Lwimbo 3:6

Lêro cici cira casôka omu irungu nka mugî mulî-mulî, nka mûka mudûrhu gwa bukù, obubâni n’amalâshi g’ekulî goshi!

Izaya 3:24

Ahâli h’omugavu, byâbà bibolêreza; ahâli h’omukaba, lwâbà lukoba; ahâli h’emviri mpunge, lyâbà irhwe lihalanguzè; ahâli h’akanzu, bwâbà busunzu; ahâli h’obwinjà, yâbà myokêro.

Izaya 57:9

Wajire emwa Mêleki erhi odwîrhe amavurha haguma n’omwandu gw’emvangè y’obukù. Wàlîkirayo entumwa erhi onaciri kulî, wacinyihya kuhika wahwêra omu kuzimu.