Ennanga 97:3 - BIBLIYA NTAGATIFU OMU MASHI

³ Ntakanjirwa omushokolîre; n’ababisha bamugosire ntakanjirwa arhabagezekwo lîno.

Ennanga 97:3 ပူးပေါင်းရင်းမြစ်များ

Ennanga 18:8

Igulu lyanacidirhimana lyàgeramwo omusisi, ensimikiro y’entondo yàdundagana, yàdirhimana kulya kubà anakunîre.

Ennanga 18:9

Omugî gwatumbûka omu mazûlu gâge, engulumira y’omuliro omu kanwa kâge, amakala g’amasèsè gàmurhengamwo.

Ennanga 50:3

Nyamuzinda wîrhu oyôla oyishire: arhâbule buderha akanwa. Ntakanjirwa w’omuliro amushokolîre, ayisha ayôkera, n’empûsi emugosire yayisha yakola akal’ibala.

Ezekiyeli 1:4

Nakâg’isinza: kwanaciyisha empûsi yakâg’ihûsa kurhenga olunda lw’e mwênè, càli citù cinênênè càli ciyunjulîne bulangashane bwa muliro n’omu kâgarhî gw’ogwo muliro mwakazâg’irhenga engulumira eri nka njuma ya lubula.

Daniyeli 7:10

Olwîshi lunene lw’omuliro lwakazihulula embere zâge. Ebihumbi by’ebihumbi by’abantu byakazimukolera, n’abandi mwandu bali bayimanzire embere zâge. Okutwa olubanja kwarhangira n’ebitahu byabùngûlwa.

Habakuki 3:5

Ecihûsi cimushokolire, endwâla zimugumire omu cirali.

Malakiya 4:1

Lolagi, olusiku luyîruka, luyakirîre nka muliro. Abashombanyi na banya­ nkola-maligo boshi, zirhabalekere muzî nîsi erhi ishami.

Lushika 32:22

Nêci, oburhè bwâni bwayâsire muliro, gwâyôca ciru n’ebiri idako ly’okuzimu, gwâyôca idaho guyôce n’emyâka, gurhasige olubando lw’entondo.

Lushika 4:11

Mwanacishegera obwo, mpu muyimange oku burhambi bw’entondo, ago mango erhi ntondo edwîrhe yagulumira kuhika omu nkuba karhî, omu mwizimya gw’ebitù n’omu milazô.

Lushika 4:36

Kurhengera emalunga, akuyumvîsa izù lyâge mpu akuyigîrize, na kunôla igulu akuyêreka omuliro gwâge munene wanayumva ebinwa byâge kurhengera omu kâgarhî k’omuliro.

Lushika 5:4

Nyamubâho amushambâza masù omu masù oku ntondo omu karhî k’omuliro.

2 Tesalonika 1:8

omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu.

Bahabraniya 12:29

Bulya Nyamuzinda wîrhu abà ngulumira ya muliro.

Mafulûlo 11:5

Hakajira owaderha mpu abahumekwo, omuliro gunabarhenge ekanwa, gumakûze abadwîrhe obushombanyi; n’owankaderha mpu abahirekwo olûnu, naye ntyo kwo akwânîne afè.

Mafulûlo 20:15

Na ngasi yêshi orhàli muyandike omu citabu c’obuzîne, bâmukwêba omu Cîna n’omuliro.