Ennanga 97:2 - BIBLIYA NTAGATIFU OMU MASHI

² Omwizimya n’ebitù byacîbulwîre, byamugorha, obushinganyanya n’okurhalyalyanya, co ciriba entebe yâge edêkerîrekwo.

Ennanga 97:2 ပူးပေါင်းရင်းမြစ်များ

Murhondêro 18:25

Nanga orhankajira ntyo! Okuherêrekeza omushinganyanya haguma n’enkola-maligo, okugeza omushinganyanya cikembe ciguma n’omunyabyâha. Nanga ntà mango. K’omutwî w’emmanja w’igulu lyoshi arhakacitwa mmanja?»

Ayubu 23:14

Bulya oku ahizire kuli nie akuyûkiriza, na kwa bene okola kw’ayôrha ajira.

Ayubu 26:9

Anayigale obusù bw’Obwâmi bwâge, abubwikire n’ecitù.

Ennanga 77:19

Enkuba yâwe yalaza, orhukengulo rhwamoleka igulu, igulu lyàrhemuka, lyàgeramw’omusisi.

Ennanga 89:14

Okuboko kwâwe ye mugala-byoshi, enfune zâwe ye ciri-misî, n’okuboko kwâwe kulyo ye Kalengera.

Ennanga 89:15

Okushinganyanya n’okurhalyalyanya, co ciriba entebe yâwe edêkerîrekwo. oburhonyi n’oburhabêsha bo baganda bakushokolîre.

Ennanga 99:4

Ye yîmire omuzibu osîma obushinganyanya, wafundisire ebinwa bishingânîne, muli Yakôbo obushinganyanya buli bwâwe, n’emmanja we zitwa.

Lubungo 19:9

Nyakasane abwîra Mûsa, erhi: «Nkola nayisha emunda oli omu citù cizirho, lyo olubaga luyumva hano nkola nakushambâza lyo nâwe wêne lukaz’ikâkwikubagira ensiku zoshi.» Mûsa anacibwîra Nyakasane ebinwa by’olubaga.

Lubungo 20:21

Olubaga lwacîyegûlira kulî, ci Mûsa yêhe ayegêra cirya citù Nyamuzinda àlimwo.

Migani 16:12

Ecishologosa abâmi: kukola amaligo, bulyâla obushinganyanya go makondo g’entebe.

Nahumu 1:3

Nyamubâho arhabà burhè duba, ci kwônene arhahimwa budârhi, Nyamuzinda arhankaleka okuhana endyâlya eyâzire. Analambagire omu mpûsi n’omu mulaba, n’omu cihonzi, ebitù, ko katulo enshando zâge zibalaza.

Barom 11:33

O! (yâga) we, nnakagali w’obugale n’obushinganyanya n’obumanye bwa Nyamuzinda! Oku emihigo yâge erhamanyîkana kwo n’enjira zâge zirhayumvikana!