Ennanga 92:6 - BIBLIYA NTAGATIFU OMU MASHI

⁶ Emikolo yâwe, alà mpu yaneneha Nyakasane! Enkengêro zâwe, alà mpu zalîha?

Ennanga 92:6 ပူးပေါင်းရင်းမြစ်များ

Ennanga 104:24

Mushâna Nyamwagirwa emikolo yâwe guli mwandu! Burhimanya wayijiragamwo yoshi: igulu lyoshi liyunjwîre biremwa byâwe.

Ennanga 139:14

Ncîkwitakîre bulya oku wanjirîre kusômerîne, bulyâla emikolo yâwe eri ya kurhangâza. Omurhima gwâni ogumanyire bwinjà,

Ennanga 14:1

Gwârhi omukulu w’abimbiza. Lwa Daudi Omusirhe anakâderha omu murhima gwâge, erhi: «Nyamuzinda arhahabà!» Bàcisherêzize, bàjira ebirhankaderhwa; ntà muntu okola aminjà ocibabâmwo.

Ennanga 32:9

Murhakazâg’ibà ak’endogomi nîsi erhi ecihêsi, byo birhajira bukengêre, byo birhayumva olurhali lugîsho n’olukoba; nka ntalwo ogwêrhe birhankakuyegêra.

Ennanga 49:10

omuntu alarne arhaluse ensiku, alame burhafà.

Ennanga 73:22

Kuhwinjagala nali mpwinjagîre, ntàli mmanyire bici, omu masù gâwe kwo nali nyôsire nka nkâfu.

Ennanga 75:4

Ciru igulu lyankadundagana, n’abaliyûbakakwo boshi badûndagana, amakondo gâlyo buzibu nagagwisire.

Ennanga 94:8

Lêro mweki mwe bahwinja omu lubaga, rhangi muyumve; Lêro bino bingolongolo mangaci byarhimanya?

Migani 1:22

Mpu «mmangaci mwaleka obuhwinja bwinyu ebi bingolo-ngolo? Na ba-cinya-masheka kuhika mangaci erhi bâsheka? N’abahwinja, kuhika mangaci erhi bayânga obumanye?

Migani 24:7

Omuhwinja mpu oburhimanya buli enyanya bwenêne, arhanabumbûla kanwa aha ngombe.

Migani 30:2

Ntà muhwinja akâni omu bantu, ntajira makengu ga muntu,

Izaya 1:3

“Enkafu enamanye nnayo, n’endogomi enamanye eciranga ca nnawâbo; Israheli yêhe arhajira bumanye, olubaga lwâni lurhayumva”.

Izaya 28:29

Okwo nakwo eri nshôkano ya Nyakasane Nyamuzinda w’Emirhwe, ye muhanûzi w’okurhangâza, ye na mulenga orhajira lugero.

Izaya 55:9

Nka kula amalunga gali kulî enyanya ly’igulu, kwo enjira zâni ziri kulî n’enjira zinyu, kwo n’enkengêro zâni ziri kulî enyanya ly’enkengêro zinyu.

Yeremiya 10:14

Go mango, ngasi muntu ahwinjagala, ayimange buzira kuyumva go mango ngasi mutuzi agwârhwa n’enshonyi erhi alola enshusho zâge. Bulyâla biri bya bunywesi, birhalimwo omûka.

Yeremiya 32:19

We nn’oburhimanya omu mihigo midârhi we n’obulenga boshi, onakazisingiriza abantu ly’oyishimanyihemba ngasi muguma nk’oku ebijiro n’engeso zâge binali!

Luka 12:20

“Ci Nyamuzinda anacimubwîra, erhi”: “Eci cingolongolo!” “Kali obu budufu bw’ene bayish’ikuyanka omûka!” “N’ebyo walundisire byayishig’ibà bya ndi obwo?”

1 Bakorinti 2:14

Omuntu ocîkubagira oku bwôge yênene, arharhimanya ebirhenga emwa Mûka gwa Nyamuzinda, bulya kuli ye liri isirhe, arhankanabimanya, bulya ebyo bimanyikana n’oburhabâle bwa Mûka.