Ennanga 9:7 - BIBLIYA NTAGATIFU OMU MASHI

⁷ Abashombanyi bahirigirha lwoshi lwoshi, engabo zâbo wazishâba, n’aha bâli harhasigalaga cimanyîso.

Ennanga 9:7 ပူးပေါင်းရင်းမြစ်များ

Ennanga 102:12

Ensiku zâni kwo zishushire nka cihôho cirî-cirî, nâni niehe najìre nayûma nka hyasi.

Ennanga 103:19

Nnâmahanga àjêberize entebe yâge omu mpingu, omu bwâmi bwâge burhegeka byoshi.

Ennanga 89:14

Okuboko kwâwe ye mugala-byoshi, enfune zâwe ye ciri-misî, n’okuboko kwâwe kulyo ye Kalengera.

Ennanga 90:2

Embere entondo zifûnuke n’embere igulu liburhwe, kurhenga ensiku n’amango erhi ho wêhe onabà ensiku n’amango Nnâmahanga.

Bahabraniya 13:8

Yezu Kristu, oku àli nnjo n’ene, kwo ânayôrha ensiku n’amango.

2 Petro 3:8

Ci kwônene, bîra bâni, alagi ebinwa murhakwânîni muhabe: omu masù ga Nyakasane lusiku luguma kwo kuli nka myâka cihumbi, na myâka cihumbi kw’eri nka lusiku luguma.

Mafulûlo 20:11

Okubundi nanacibona entebe nnene nyêru-nyêru, n’owali oyitamîrekwo. Amalunga bo n’igulu, erhi bamurhimbakwo amasù, bayâka, na ntâye wacimanyire aha bagerîre.