Ennanga 9:4 - BIBLIYA NTAGATIFU OMU MASHI

⁴ Bulya abashombanyi bâni bayâsire, bashubira nyuma, bajâjâbire banahungumuka embere zâwe.

Ennanga 9:4 ပူးပေါင်းရင်းမြစ်များ

1 Bâm 8:45

Yâgirwa ogwôla musengero n’amalagîrire gâbo onagayumvirhize omu mpingu onajire bahimane.

Ennanga 140:12

Omuntu w’olulimi lubî arhâshinge kasanzi hano igulu, omuntu w’ecikalarhu buhanya bwamushamula.

Ennanga 16:5

Waliha Nyamuzinda, we cigabi câni c’omwîmo, we na kabehe kâni, we gwêrhe obuzîne bwâni omu maboko gâwe.

Ennanga 47:8

Bulyâla Nyamuzinda, ye Mwâmi w’igulu lyoshi lyoshi, mumuzihire olulanga.

Ennanga 89:14

Okuboko kwâwe ye mugala-byoshi, enfune zâwe ye ciri-misî, n’okuboko kwâwe kulyo ye Kalengera.

Ennanga 96:13

Omu masù ga Nyakasane, bulyâla ayishire, bulya ayîshitwîr’igulu olubanja; âtwira igulu olubanja n’obushinganyanya, ârhegeka n’amashaja burharhebana.

Ennanga 98:9

Zihindire omu masù ga Nyakasane, bulyâla ayiruka, bulyâla ayishire alirhegeka igulu; ârhegeka igulu n’obushinganyanya, ârhegeka n’amashanja burhalyâlyanya.

Izaya 11:4

Akâtwîra abazamba olubanja okushingânîne, anakacîranulira abantu banyinyi b’omu cihugo okukwânîne. Anyulika igulu n’omunyuli gw’akanwa kâge, anarhingamire ngasi nyankola-maligo n’omûka gw’ekanwa kâge.

1 Petro 2:23

Erhi babà badwîrhe bamujâcira, arhagalulaga bijâci; erhi bakamulibuza, acîhumbira; ci acîhira omu maboko gw’Omucîranuzi otwa emmanja n’oburhondekezi.