Ennanga 9:16 - BIBLIYA NTAGATIFU OMU MASHI

¹⁶ Amashanja g’abapagani garhogîre omu nyenga bàhumbaga, omurhego bàrhegaga okugulu kwâbo kwagwârhwamwo.

Ennanga 9:16 ပူးပေါင်းရင်းမြစ်များ

2 Bâm 19:19

“Ci kônene waliha, Nyamubâho, Nyamuzinda wîrhu, nkusengîre orhuyôkole, orhukûle omu maboko gâge, na ntyo agandi mashanja gamanyire ho oku wêne we na Nyamubâho, oku wêne we onabà Nyamuzinda”».

Ayubu 18:9

Omurhego gwamâmugwârhira oku kansisira n’empulula yagwo yamâmusêza.

Ennanga 11:6

Mûshi emihera ayirhogeze amakala g’engulumira n’ecibiriti, n’empûsi y’omuliro ebè co cigabi c’omu kabehe kâbo.

Ennanga 140:9

Yâgirwa mâshi, orhayêmêraga enyifinjo z’omubî, mâshi mâshi orhazigaga emihigo yâge yayunjula.

Ennanga 19:14

Obucîbone nabwo obulangekwo mwambali wâwe, bulek’impîma! Ntyo mbè muntu mwimâna, na mwêru-kwêru oku câha cinene.

Ennanga 48:11

Irenge lyâwe Nyamwagirwa, lihumîre ah’irhwêrhwè ly’igulu ak’Izîno lyâwe. Okulyo kwâwe kuyunjwîre bushinganyanya:

Ennanga 5:1

Gwârhi omukulu w’abimbiza. Oku rhurhêra. Lulanga lwa Daudi.

Ennanga 7:16

Gudwîrhe gwarheganya omwîna n’okuguhumba, ci gwône gwarhogera mw’ogwo mwîna gwajiraga.

Ennanga 92:3

Kuyinjiha okuzûkiriza omuntu olukogo lwâwe, n’okulâla omuntu ayîgâna obudahemuka bwâwe.

Lubungo 14:10

Faraoni mwâmi w’e Mîsiri àbayegêra. Bene-Israheli mpu bayinamule amasù, babona Abanya-Mîsiri bacîrhulîra omu njira enyuma zâbo. Bene-Israheli bàrhungwa n’obwôba bwenêne, bàyamira Nyakasane.

Lubungo 14:31

Israheli abona kuboko kudârhi kunganaci Nyakasane ajiragamwo Mîsiri ntyo. Olubaga lwarhînya Nyakasane, lwayêmêra Nyakasane bo n’omwambali Mûsa.

Lubungo 14:4

“Nadundaguza omurhima gwa Faraoni mwâmi w’e Mîsiri, abashimbûlire. Ci nayêreka Faraoni mwâmi w’e Mîsiri n’emirhwe yâge, irenge lyâni, lyo Abanya-Mîsiri bamanya oku nie Nyakasane.”» Banacijira ntyo.

Lubungo 7:5

“Abanya-Mîsiri bamanye obwo oku nie Nyakasane, hano ndambûlira okuboko kwâni oku Mîsiri, nnantenzamwo bene-Israheli”».

Migani 12:13

Enkola-maligo enagwârhwe omu murhego erhi kalimi kâyo karhuma, omushinganyanya yêhe acîrhenze ahabi.

Migani 6:2

erhi ankabà wacîshwêsire n’ebinwa waderhaga wêne, erhi ankabà wagwâsirwe omu binwa byâwe wênene;

Izaya 28:13

Lêro Nyakasane akola ababwiîa aka kanwa, erhi: «Irhegeko oku irhegeko, irhegeko oku irhegeko; ihano oku ihano, ihano oku ihano; hitya ahâla, hitya halîra», lyo bajà bazûzûrhira banahenganuka, bavunike, bagwe omu murhego banagwârhwe.

Izaya 8:15

“Banji bâsârhala, bâhirima banavunike, bâgwa omu murhego banagwaârhwe.”.

Daniyeli 6:25

Oku irhegeko lya mwâmi banaciyisha ba­dwîrhe balya bantu bamubêsheraga banacibakwêba muli bulya bulumba bw’e­ntale boshi na bakâbo n’abâna bâbo. Barhalindaga bahika omu bulumba, e­ntale zirhabashimba, zabakugurha boshi orhuvuha.

Bacîranuzi 1:7

Adoni-Bezek anaciderha, erhi: «Hali bâmi makumi gali nda bali batwe amanò manene emagulu, n’ebyunkumwe emaboko, bakazâgirhôlogola ebiryo by’obuhungumukiza bw’oku cîbo câni; oku nakazâgijira kw’oku Nyamuzinda amangalulira». Bamuhêka e Yeruzalemu agendifirayo.

1 Samweli 17:46

Nyamubâho ene akuhânyire omu maboko gâni, nakuyîrha na nkuyambale, ene omurhumba gwâwe n’emirhumba y’engabo z’Abafilistini nayihà orhunyunyi rhw’emalunga n’ensimba z’igulu, igulu lyoshi lyamanya ene oku Israheli yêne ojira Nyamuzinda.