Ennanga 82:5 - BIBLIYA NTAGATIFU OMU MASHI

⁵ Oku barhishi bici kwo barhanayumva, omu mwizimya bagenda, emitungo y’igulu yoshi kwo kuciha okw’idaho okwo mushâna!

Ennanga 82:5 ပူးပေါင်းရင်းမြစ်များ

Ayubu 8:9

Rhwêhe, injo rhwaciburhagwa, rhurhamanyiri bici, ensiku zîrhu bano igulu ko zirazûka nka cizûngu-zûngu.

Ennanga 11:3

Erhi eciriba cankahongoka, cici omushinganyanya ankacibash’ijira?

Ennanga 14:4

Ka barhakayumva, abôla banyankola-maligo bakàmirangusa ishanja lyâni nka kulya omuntu amirangusa omugati, barhanashenga izîno lya Nyakasane?

Ennanga 53:4

Boshi bàherîre haguma, boshi bàsherîre; ntâye ojira aminjà ciru n’omuguma!

Ennanga 75:3

Amango nâtwa olusiku go na mango nâtwa olubanja niene; nk’oku binahashikîne.

Ennanga 99:1

Nyakasane ayîmire, amashanja gadwîrhe gageramwo ogwa nyegenye. Atamîre oku nyanya lya bakerubi: igulu lidwîrhe lyajuguma.

Migani 1:29

Balahire obumanye, babula kwacîshoga okurhînya Nyakasane.

Migani 2:13

Bakuyàse balya bakàlekêrera enjira nnungêdu; balya bajà babûnda-bûnda omu njira z’omwizimya;

Migani 4:19

Enjira y’abaminya kwo eyôrha nka mwizimya, Abarhamanya bici bibasârhazize.

Muhanûzi 2:14

Omurhimanya anabone aha agera, oku omusirhe ajà atunduza. Kubâge! Ci kwône mmanyire oku bombi obuzinda bwâbo buli buguma.

Muhanûzi 3:16

Kwône ncidwîrhe nasinza hanôla igulu: aha batwîra olubanja, bushungu buhali oku ntebe y’omushinganyanya, cishungu cikuli.

Izaya 5:7

Nêci! olukoma lw’emizâbîbu lwa Nyakasane Nyamuzinda w’Emirhwe, yo nyumpa y’Israheli; nabo abantu ba Yûda, yo mburho arhonyagya. Abalingakwo obushinganyanya, ci bôhe babà banyankola-maligo; abalonzakwo oburhondekezi, ci zâbà ndûlù.

Izaya 59:9

Okwo kwo kwarhumire obucîranuzi bwacîyegûla nîrhu n’obushinganyanya burharhuhikayo. Rhwakâg’ilingûza obulangashane, lêro gwabîre mwizimya go guyisha! Rhwakâg’ilongereza omulengezi, lêro omu ndunduli y’omwizizi mwo rhudwîrhe rhwalambagira!

Mikeyo 3:1

Kandi namâderha nti: «Muyumvagye, mwe barhambo b’enyumpa ya Yakôbo, ninyu mwe barhegesi b’omu nyumpa ya Israheli!

Yowane 12:35

Yezu abashuza, erhi: «Obulangale burhaciri ninyu kasanzi kanene. Kaz’imugende obu bwacibona, lyo omwizimya gulek’immugwanyanya. Ogenda omu mwizimya, arhamanya ah’ajà.

Yowane 3:19

“Nalwo olubanja lw’olu: obulangashane bwayishire en’igulu, n’abantu ba­gal’isîma omwizimya ahâli h’obulangashane, bulya ebijiro byâbo byàli bibî”.

Barom 1:28

Bulya barhalonzagya okumanya kwinjà Nnâmahanga, Nnâmahanga naye àbakabulîre omu murhima gwâbo guhûsire n’omu bijiro birhakwânîni.

2 Timoteyo 2:19

Ci kwônene eciriba cikomîre Nyamuzinda abandaga ho ciciri, cirikwo eci cimanyîso: Nyakasane ayishi abâge, na: Ngasi yêshi oderha izîno lya nyakasane, ayâke obubî.

1 Yowane 2:11

Ci oshomba mwene wâbo, erhi omu mwizimya ali, n’erhi omu mwizimya adwîrhe age­nda; arhishi aha ajà, bulya omwizimya gwamuhûsize amasù.