Ennanga 8:4 - BIBLIYA NTAGATIFU OMU MASHI

⁴ Nkalola amalunga eminwe yâwe yàmanikaga, n’omwêzi n’enyenyêzi walemaga:

Ennanga 8:4 ပူးပေါင်းရင်းမြစ်များ

Murhondêro 1:1

Aha murhondêro Nnâmahanga alema amalunga n’igulu.

Murhondêro 1:14

Nnâmahanga aderha, erhi: «Ebimole bibè omu cirêre c’emalunga lyo biberûla omûshi n’obudufu; byâbà bimanyîso by’empondo n’ecanda, ensiku n’emyâka,

Murhondêro 19:35

Banacinywesa îshe idivayi kandi obwo budufu, n’omunyere murhò agend’igwîshira aha burhambi bwâge. Arhamanyaga amango agwishiraga ciru n’amango azûkaga.

Murhondêro 21:1

Nnâmahanga ayish’irhangula Sara, nk’oku anaderhaga; anamujirira nk’oku amulaganyagya.

2 Nganîro 6:18

Ci kwônene ka kwo binali, Nyamubâho anayûbaka haguma n’omuntu hanôla igulu? Lolà oku empingu, n’empingu y’amalunga birhankahasha okukuyûbarhira wêshi: lêro lyôhe, kurhigi kuli eyîra nyumpa nayûbakaga!

Ayubu 25:6

Oku muntu yêhe ka kurhabulikane, Omuntu orhali muntu ci muvunyu, gula mushwa mpu mwene omuntu!

Ayubu 7:17

Omuntu aligi cici mpu wamushîbirira ntyo, mpu wamuyibuka onamuhirekwo omurhima,

Ennanga 106:4

Muhânyi onkengêre nâni omu burhonyi orhonyamw’olubaga lwâwe, okanye ontandûle onantabâle.

Ennanga 136:5

Ye walemaga empingu n’obushinganyanya, bulya obuzigire bwâge buli bw’ensiku n’amango.

Ennanga 136:9

Omwêzi n’enyenyêzi mpu bikâmoleka budufu, bulya obuzigire bwâge buli bw’ensiku n’amango.

Ennanga 144:3

Nyamwagirwa, omuntu co cici obu omukoyakoyakwo okungan’aha? Mwene-omuntu co cici obu omushîbirira ntya?

Ennanga 146:3

Mumanye mwakakâlangâlira abaluzi, nîsi erhi okucîkubagira iburha ly’omuntu elirhaciza,

Ennanga 19:2

Amalunga gaganîra irenge lya Nyamuzinda, n’enkuba ederha emikolo y’eminwe yâge.

Ennanga 4:2

Nkakulakira, oyumvîrhize izù lyâni, Yâgirwa, Nnâmahanga, mucîranuzi wâni: Kàli nàlimbengîre, wanciza: ndîkûza we kasinga, onayumvîrhize omusengero gwâni.

Ennanga 80:17

Mâshi balya bàdûlikaga ogu muzâbîbu muliro banaguhira okw’idaho, bahungumuke n’obukali bw’obusù bwâwe mâshi!

Ennanga 96:5

Bulyâla banyamuzinda b’abapagani linali ibumba, Nyakasane yêhe ye wajiraga amalunga.

Lubungo 4:31

Olubaga lwayêmêra. Lwayumva oku Nyakasane anagashanîre bene-Israheli n’oku anabwîne amalibûko gâbo; bafukama, baharâmya.

Izaya 40:17

Amashanja goshi kwo gali nka busha embere zâge, garhali kantu, garhali bici omu masù gâge.

Izaya 51:12

Niene, niene nie ndwîrhe nammurhûliriza! Oligi ndi wayôboha omuntu wânafè, omuntu oburhwa n’owundi, oli nka hyâsi?

Ezekiyeli 8:15

Anacimbwîra, erhi: «Ka wabwîne obwo mwene muntu? Erhi wâcibona ebindi bigalugalu bilushire ebyôla ».

Mateyo 8:20

Yezu anacimushuza, erhi: «Banyambwe bajira obulumba, n’orhunyunyi rhw’omu malunga rhujira enyôgo; Mwene-omuntu yêhe arhajira aha ankaheba irhwe».

Luka 1:68

«Ayâgirwe Nyakasane, Nyamuzinda w’Israheli, bulya ayishir’irhangula n’okulîkûza olubaga lwâge.

Luka 19:44

bâkushekenye oku idaho we n’abâna bâwe bakulimwo. Ciru barhakakulekerakwo ibuye oku lindi, kulya kubà orhamanyaga amango wal’irhandûlwa».

1 Petro 2:12

Olugendo lwinyu lubè nkana ekarhî k’abapagani. Ciru bankammunywerhera mpu muli banyankola-maligo, babone ebijiro binyu binjà banakuze Nnâmahanga olusiku ayish’ibarhandûla.