Ennanga 74:13 - BIBLIYA NTAGATIFU OMU MASHI

¹³ W’olya waberag’enyanja n’obuhashe bwâwe, washangula amarhwe g’enjoka omu mîshi.

Ennanga 74:13 ပူးပေါင်းရင်းမြစ်များ

Nehemiya 9:11

Wahahanywîre enyanja embere zâbo, banaciyikira eyo nyanja n’amagulu burhajoma. Ci wadubindika balya bashombanyi bali babashimbire omu nyanja nka kula banadubindika ibuye emudubwi.

Ennanga 66:6

Enyanja ayihindula yashub’idaho lyûmu, bayikir’olwîshi n’amagulu burhajoma: rhucîtakîre ye là.

Ennanga 78:13

Enyanja ayiberamwo kabirhi abayîkiza, anayîmanika amîshi nka côgo ca kuhalira.

Lubungo 14:21

Mûsa àlambûlira okuboko oku nyanja. Nyakasane àtunda enyanja obudufu bwoshi n’empûsi ndârhi y’ebuzûka-zûba yàyumya enyanja. Amîshi gàcîberamwo mpande ibiri.

Lubungo 14:28

Amîshi gashub’icîgusha gàbwikira engâlè n’abasirika b’ebiterusi: omu ngabo ya Faraoni mwâmi w’e Mîsiri yoshi yacîrhuliraga omu nyanja enyuma za Bene-Israheli, harhasigalaga ciru n’omuguma.

Ezekiyeli 29:3

“Oderhe onamubwîre, erhi: Ntya kwo adesire Nyakasane Nyamubâho: Ntakulikwo, wâni Faraoni mwâmi w’e Mîsiri, mwâmi w’e Mîsiri, we ngôna elambukîre muli ba Nili bâwe, w’odwîrhe waderha, erhi: Ba Nili bâni banali bâni, niene nabajiraga”.

Ezekiyeli 32:2

«Mwene omuntu oderhe ebinwa by’okûla­kira Faraoni mwâmi w’e Mîsiri, mwâmi w’e Mîsiri omubwîre, erhi: Wâni ntale ntôrhò y’amashanja wamâherêrekera! Wali oyôsire nka kula engôna erhogomerera omu nyanja, wakazâgicirhunika omu nyîshi zâwe; wakazigirhwanza n’amagulu gâwe, ntyo washerêza emibunda yazo.