Ennanga 72:2 - BIBLIYA NTAGATIFU OMU MASHI

² Arhegeka ishanja lyâwe n’obwîrhonzi, n’abîrhôhye bâwe âbahabûla okunali.

Ennanga 72:2 ပူးပေါင်းရင်းမြစ်များ

2 Samweli 23:3

Nyamuzinda w’Israheli adesire, ibuye ly’Israheli ambwîzire erhi: Orhegeka abantu n’obushinganyanya, arhegeka erhi anarhînya Nyamuzinda,

1 Bâm 10:9

“Ayâgirwe Nyamubâho Nyamuzinda wâwe, ye wasîmaga okukubwârhaza oku ntebe y’Israheli mpu ly’akuzibwa. Kurhonya ayôrhaga arhonya Israheli, kwo kwarhumire akuyîmika mwâmi mpu orhegeke omu bwîrhonzi n’omu bushinganyanya”».

1 Bâm 3:28

Omw’Israheli, boshi bamanya oku mwâmi Salomoni atwaga olwo lubanja, bakenga mwâmi, bulya bamâbona oku obushinganyanya n’obucîranuzi bwâge emwa Nyamuzinda burhenga.

1 Nganîro 29:19

Naye mugala wâni Salomoni, omushobòze omurhima mwîrhôhye oku kushimba amarhegeko gâwe, amalaganyo gâwe n’amahano gâwe, n’okubikirira bwinjà, anakuyûbakire eci rhînyiro càrhumaga narheganya ebi byoshi.»

Ayubu 34:19

Arhishi baluzi, arhanajira kabôlo ekarhî k’omugaraganda n’entagengwa, bulya boshi buli bulenga bw’enfune zâge.

Ennanga 12:5

Ngasi baderha, mpu: «Olulimi lwîrhu yo misî yîrhu», «kanwa rhujira, ye ndigi wankarhukulikira?»

Migani 29:14

Omwâmi otwîra abagûnda olubanja n’abushinganyanya. entebe yâge kusera yânayôrhe esêra.

Izaya 32:1

Alà oku hâyisha omwâmi mushinganyanya n’abaluzi barhambula nk’oku binashingânîne.

Izaya 32:17

Emburho y’obushinganyanya gwâbà murhûla, n’obushinganyanya bwâlêrha obuholo n’akahwenyenye ensiku n’amango.

Izaya 9:7

Nyakasane arhumire Yakôbo akanwa, karhinda kuli Israheli.

Yeremiya 33:15

Muli ezo nsiku, n’ago mango, nahà Daudi oluburha lw’okuli, lwo lwalandiza obudahemuka n’obushinganyanya omu cihugo coshi.

Ezekiyeli 34:16

“Nâja nalongereza ecihezire, nâkaziyisha ngalwîre ecàli cihabusire; nâkaz’irhuba eciri n’ecibande, nkaz’igalulira emisî cirya càli cikola cizamba; ci konene cirya cakazâg’iciyâbula conene, cirya cakazâg’iciheka n’emisî, nâcisherêza, nâciha obuhane”.

Mafulûlo 19:11

Okuhandi nalangîra amalunga gali mîgule, nabona n’eciterusi c’akêru, Owali ocitamîrekwo ye «Mudarhebana», ye na «Mutabêsha», arhanalyâlyanya nk’atwa olubanja na nk’alwa entambala.